သန်းထိုက်ဦး မဇ္ဈိမသတင်းဌာန
ချင်းမိုင်။ ။ ရန်ကုန်တိုင်း သင်္ကန်ကျွန်းမြို့နယ်ရှိ အမျိုးသား ဒီမိုကရေစီ အဖွဲ့ချုပ်ဝင် လူငယ် ၅ ဦးအား စစ်အာဏာပိုင်များက ယမန်နေ့က နေအိမ်များမှ ဖမ်းဆီး ခေါ်ဆောင်သွားသည်။
သင်္ကန်းကျွန်း အန်အယ်ဒီ လူငယ်များ ဖြစ်သော ကိုအောင်သန်းထွန်း၊ ကိုအောင်ကျော်၊ ကိုရဲဇော်ထိုက်၊ ကိုတင်ဦးမောင်၊ ကိုခင်စိုးတို့အား စစ်ဖက်လုံခြုံရေးအဖွဲ့ (စရဖ) ဟု ယူဆရသည့် စစ်အာဏာပိုင်များက နေအိမ်များသို့ လာရောက်ကာ ဖမ်းဆီးသွားခဲ့သည်ဟု အဖမ်းခံရသူများနှင့် နီးစပ်သူများအဆိုအရ သိရခြင်း ဖြစ်သည်။
“ကျန်တာတွေ ဘာမှ မပြောဘူးပေါ့နော်။ မေးမြန်းစရာရှိလို့ ဆိုပြီးတော့ ကိုခင်စိုးအိမ်မှာ ရဲကားနှစ်စီးနဲ့ လာပြီးတော့ ခေါ်သွားတာပဲ။ ဘာ မေးမလဲတော့ ကျနော်တို့လည်း မသိရဘူး” ဟု သူက ပြောသည်။
သူက ဆက်ပြီး “ညကပေါ့နော်၊ နောက်ဆုံးအချီမှာ ၁ဝ နာရီခွဲမှာ ကိုခင်စိုးကို နေအိမ်ကနေ မိသွားပါတယ်။ တချို့က နေ့ပိုင်းမှာ မိတယ်။ တချို့က ညပိုင်းမှာ မိတယ်။ ကိုခင်စိုးဆိုရင် ညပိုင်းမှာ မိတယ်။ ကျန်တဲ့ ၄ ယောက်က နေ့ပိုင်းမှာ မိတယ်” ဟု ပြောသည်။
အမည်မဖော်လိုသူ အန်အယ်ဒီ လူငယ်ကလည်း “ဘယ်လိုပြောရမလဲ မသိဘူး။ တော်လှန်ရေးနေ့ကိစ္စနဲ့ပဲ ပတ်သက်လား၊ သူတို့ တဦးတယောက်ချင်းရဲ့ ပုဂ္ဂလိကနဲ့ပဲ ပတ်သက်လား၊ ကျနော်လည်း သေချာအောင် မပြောတတ်သေးဘူး ဖြစ်နေတယ်။ သူတို့ ဘာတွေ လုပ်ထားလဲပေါ့နော်။ အဓိကကတော့ ဒါပါပဲ။ သူတို့ ဘာတွေလုပ်ထားလို့ ဘယ်လိုဖြစ်တာလဲ။ အခုလောလောဆယ်တော့ အစအနလည်း မရသေးဘူး” ဟု ပြောသည်။
ယခုလ ၂၇ ရက်နေ့က ကျရောက်ခဲ့သည့် ၆၃ နှစ်မြောက် ဖက်ဆစ် တော်လှန်ရေးနေ့တွင် ရန်ကုန်တိုင်း ဗဟန်းမြို့နယ် ရွှေဂုံတိုင်လမ်းရှိ အန်အယ်ဒီ အဖွဲ့ချုပ်ရုံးရှေ့တွင် ပါတီဝင် လူငယ်များက NO ဟု ရေးသားထားသည့် တီရှပ်အင်္ကျီများ ဝတ်ဆင်ကာ မေလတွင် ကျင်းပမည့် ဥပဒေမူကြမ်း ပြည်သူ့ဆန္ဒခံယူပွဲတွင် ကန့်ကွက်မဲပေးရန် ဆန္ဒဖော်ထုတ်ခဲ့သလို၊ ကန့်ကွက်မဲပေးနည်း သရုပ်ပြပွဲ တရပ်ကိုလည်း ပြုလုပ်ခဲ့သေးသည်။
ကိုရဲဇော်ထိုက်နှင့် ကိုတင်ဦးမောင်တို့ နှစ်ဦးသည် မွန်းလွဲပိုင်းတွင် ဖမ်းဆီးခံခဲ့ရပြီး ကိုအောင်သန်းထွန်းကိုမူ သူ၏ ဆိုင်မှ ဖမ်းဆီးခေါ်ဆောင်သွားခြင်း ဖြစ်သည်။
ဖမ်းဆီးမှုတွင် အဆိုပါ ၅ ဦးအပြင် အမည်မသိသူတဦးပါ ပါဝင်ကြောင်း သိရသော်လည်း သီးခြား အတည်ပြုနိုင်ခြင်း မရှိသေးသလို၊ သူတို့အား မည်သည့်နေရာတွင် ထိန်းသိမ်းထားသည်ကိုလည်း မသိရသေးပါ။
သင်္ကန်းကျွန်း အန်အယ်ဒီ လူငယ် ၅ ဦး ဖမ်းဆီးခံရ
“ နအဖလွင့်ထူမဲ့ ဖက်ဆစ်လူသတ်အလံကို မီးတင်ရှို့ကြ ”
စိုင်းကာ
စစ်ဖိနပ်အောက်တွင် တိုင်းပြည်က စိစိညှက်ညှက်ကြေမွခဲ့လေပြီ။ မြန်မာလူမျိုးဆိုလျှင် အနုတ်စုတ်ဂုတ်စုတ်သဖွယ် အထင်မြင်သေးစရာ လူမျိုးတမျိုးအဖြစ် အများကမှတ်ယူကြသည်။ ရေတိမ်တွင် နစ်မွန်းရသည့်အဖြစ်နှင့်သဏ္ဍန်တူသည့် ကြားဖူးသော ဆိုရိုးစကားတခုနှယ် ဖေါင်စီးရင်းရေငတ်ရသည့် ဘ၀မျိုးသို့ ရောက်ကြရရှာလေပြီ။
သောကဖိစီးမှု အစုံစုံတို့ဖြင့် မလှမပ ဘ၀နိဂုံးချုပ်ကြရှာကာ ယူကြုံးမရစရာ တောင်မင်းကမြောက်မင်းကို မကူနိုင်ကြတော့။ ထမင်းတလုပ် ဖြောင့်အောင်စားနိုင်ဖို့ မိသားစုရဲ့ အသိုက်အမြုံတွေကို စွန့်ခွာ ဘ၀သွေးချွေး အသက်တွေနဲ့ရင်းပြီး မျက်နှာမွဲ ဘ၀ဖြင့် ၀မ်းအရေးအတွက် ရှာဖွေစားသောက်နေကြရပြီ။
ခေတ်အဆက်ဆက် ကိုယ်ကျိုးရှာသမား စစ်ခေါင်းဆောင်တသိုက်နဲ့ အပေါင်းအပါတစ်စုရဲ့ အာသာငမ်းငမ်းတက် အာဏာယစ်မူးမှုကြောင့် ရွှေနိုင်ငံသည် ယခုလင်းတနှင့်ဖုတ်ဖုတ် ဖြစ်သွားသည်။
ပြည်ထောင်စု တိုင်းရင်းသားပေါင်းစုံ၏ စစ်မှန်သော အောင်လံကို လွင့်ထူရမည့်အစား ဖက်ဆစ်လူသတ်အလံကို လွင်ထူဖို့ တဖန်ကြိုးစားလာပြန်ပြီ။ သွေးစွန်းသော လက်အစုံတို့ဖြင့် ကျောသပ်နေသည်ကို ယခု တွေ့မြင်နေရသည်။
မျက်နှာဖုံးစွပ်နှင့် အရေခွံခြုံထားသည်ကို ခွာကြည့်ပါက အစွယ်ငေါငေါနှင့် ဖက်ဆစ်စစ်ဘီလူးတစ်ကောင် ဖြစ်သည်ကို ဘွင်းဘွင်းကြီး မြင်နေရသည်။ စစ်ယန္တရားနောက်ကွယ်က အဆိပ်လက်သဲချွှန်များနဲ့ မျက်လုံးပေါင်းများစွာကို ဖေါက်ထုတ်ခဲ့တာကိုလည်း ငါတို့အားလုံး နဖူးတွေ့ဒူးတွေ့ ကြုံတွေ့ခဲ့ရသည်။
တချိန်သောအခါက ဖက်ဆစ်ဂျပန်တို့ကို ဒို့ ... အဖိုးအဖွားတွေက ရရာလက်နက်စွဲကိုင်ပြီး ငါတို့မြေပေါ်က အပြီးတိုင်မောင်းထုတ်ခဲ့ကြပြီးပြီ။ အဲဒီနေ့နှစ်ပါတ်လည်နေ့ဟာလည်း နောက်(၃) ရက်ဆို ကျရောက်တော့မယ်။ မတ်လ(၂၇)ရက်နေ့ မြန်မာပြည်သူလူထုအားလုံးရဲ့ အောင်ပွဲခံခဲ့တဲ့ နေ့တနေ့ပါပဲ။
ဖက်ဆစ်ဂျပန်တော်လှန်ရေးနေ့မှာ ဖက်ဆစ်တွေလိုက်ပါလာတဲ့စစ်ကားကို ချောက်ထဲမောင်းပြီး ဖက်ဆစ်တွေနဲ့အတူ အသေခံသွားခဲ့တဲ့ ကျနော့် အဖိုး ....... ။
ဘုန်းတော်ကြီးကျောင်းက ခွေးစာကို အလုအယက်စားပြီး တော်လှန်တိုက်ပွဲဝင်ခဲ့ကြတဲ့ အဖိုးနဲ့ အဖိုးရဲ့ ရဲဘော်တွေ ဖက်ဆစ်တော်လှန်ရေးသမားများနဲ့ ပြည်သူလူထုအားလုံးကို ဒီဆောင်းပါးနဲ့ဂုဏ်ပြုမှတ်တမ်းတင်လိုက်ရပါသည်။
ဖက်ဆစ် စစ်အာဏာရှင်စနစ်ကို မြန်မာ့မြေပေါ်မှာ တဖန်ပြန်လည်အသက်သွင်းဖို့ ကြိုးစားချက် မှန်သမျှကိုလည်း ဒို့တိုင်းရင်းသားပြည်သူတွေအားလုံးက ပြတ်ပြတ်သားသား ချေမှုန်းကြပါစို့ .............။
ကိုယ်ကျိုးရှာသမား စစ်ဝါဒီတွေကို မျိုးချစ်တပ်မတော်သားတွေက ပြည်သူနဲ့အတူ အဲ့ဒီနေ့မှာ တိုက်ပွဲဝင်ကြပါစို့ ...........၊၊
နိုင်ငံတကာ ဝေဖန်မှုအပေါ် ပြည်တွင်းမီဒီယာဖြင့် မြန်မာစစ်အစိုးရ တန်ပြန်မည်
VOA သတင်းဌာန
မြန်မာစစ် အာဏာပိုင်တွေက ပြည်ပနိုင်ငံကြီးတချို့ မှာ ပြောဆိုနေကြတာတွေဟာ မမှန်တဲ့ သတင်းတွေ ဖြစ်သလို ဒါတွေကို မြန်မာ့မီဒီယာတွေကနေ တန်ပြန်လုပ်ဆောင်မယ်လို့ပြော ဆိုပါတယ်။ လာမယ့် မေလအတွင်း ပြုလုပ်ပေးမယ်ဆိုတဲ့ လူထုဆန္ဒခံယူပွဲရဲ့ အခြေအနေ တွေအကြောင်း သတင်း ပိတ်ပင်နိုင်ဖို့ကိုလည်း ကြိုးပမ်းပြင်ဆင်နေတယ်လို့ နိုင်ငံတကာ သတင်းလွတ်လပ်ခွင့် အဖွဲ့က ပြောဆိုပါတယ်။ မသင်းသီရိ ကတင်ပြပေးထားပါတယ်။
ပြည်ပနိုင်ငံကြီးတချို့က မမှန်တဲ့ သတင်း အချက်အလက်တွေနဲ့ မြန်မာနိုင်ငံရဲ့ ငြိမ်းချမ်းရေးကို ဖျက်ဆီးနေတယ် ။ဒါ့ကြောင့် တပ်မတော်နဲ့ ပြည်သူ တစိတ်တ၀ှမ်းထဲ ရှိတယ်ဆိုတာကို ပြသဖို့ မီဒီယာနဲ့ ထိထိရောက်ရောက် တန်ပြန် လုပ်ဆောင်သွားမယ်လို့ စစ်ရေးချုပ် ဗိုလ်ချုပ်မြင့်မောင်က ပြောဆိုခဲ့တာကို ဒီကနေ့ထုတ် မြန်မာ့အလင်း သတင်းစာမှာ ဖော်ပြထားတာပါ။
စစ်အစိုးရက ကျင်းပပေးမယ်ဆိုတဲ့ မေလလူထုဆန္ဒ ခံယူပွဲမလုပ်ခင် သတင်းသမားတွေပေါ် တင်းတင်း ကြပ်ကြပ် စောင့်ကြည့်နေတာမို့ ပြည်တွင်းက စာနယ်ဇင်း သတင်းသမားတွေအတွက် စိုးရိမ်စရာ ဖြစ်တယ်လို့ ပြည်ပအခြေစိုက် မြန်မာ့ သတင်းသမဂ္ဂအဖွဲ့ရဲ့ ဥက္ကဋ္ဌ ဦးမောင်မောင်မြင့်က ပြောပါတယ်။
“မီဒီယာတွေကိုတော့ စစ်အစိုးရက အရင်တုန်းကထက် ပိုပြီးတော့ တင်းကျပ်ထားတာကို တွေ့ ရပါတယ်။ နောက်တခုက မီဒီယာတွေကိုသူတို့အလိုကျ သူတို့ပြောစေချင်တဲ့ စကားမျိုးကို ပြောခိုင်းဖို့ လာမယ့်မေလ လူထုဆန္ဒခံယူပွဲနဲ့ ပါတ်သက်ပြီးတော့ သူတို့စိတ် မချတဲ့ သတင်းစာသမားပေါင်း အယောက်သုံးဆယ် ကျော်ကျော်လောက်ကို စစ်အစိုးရက စောင့်ကြည့်ဖို့ဆိုပြီး စာရင်း ထုတ်ပြန် ထားတယ်ဆိုတဲ့ သတင်းမျိုးတွေ ကျွန်တော်တို့ ကြားရပါတယ်။ ဒါဟာ ပြောမယ်ဆိုရင် အင်မတန်မှ စိုးရိမ်ဖို့ကောင်းတဲ့ သတင်းမျိုးပါ။ သတင်းသမားတွေဆိုတာ သတင်းကို အမှန်အတိုင်း သတင်းပိုရင်းနဲ့ အစိုးရမကြိုက်တဲ့ သတင်းမျိုးလဲ ပါသွားနိုင်ပါတယ်။ အဲဒီ သတင်းမျိုးပါသွားလို့မှ သတင်းသမားဟာ အရေးယူခံရတယ်ဆိုလို့ရှိရင် ဒါဟာ သတင်းလွတ်လပ်ခွင့်ကို ပြောင်ပြောင်တင်းတင်း ချိုးဖောက်တယ်လို့ ကျွန်တော်တို့ ယူဆပါတယ်။”
အထူးသဖြင့် မြန်မာ့နိုင်ငံရေး လောကမှာလဲ စစ်ခေါင်းဆောင်တွေနဲ့ ပတ်သက် သူတွေရယ် စစ်အစိုးရ အလိုကျ ရေးသားသူတွေလောက်သာ အခွင့်အရေးရှိတယ်လို့ စာနယ်ဇင်း အသိုင်းအ၀ိုင်း ကြားမှာ ပြောဆိုနေတာပါ။ ပြီးခဲ့တဲ့နှစ် ရွှေဝါရောင် လှုပ်ရှားမှုတွေအကြောင်း သတင်း စီးဆင်းမှု အခြေအနေတွေကို ကြည့်ပြီးတော့ အာဏာပိုင်တွေက သတင်းပိတ်ပင်နိုင်ဖို့ ကြိုတင် ပြင်ဆင် နေတာမို့ နိုင်ငံတကာ သတင်းသမားတွေရော ပြည်တွင်းက သတင်းသမားတွေပါ မြန်မာနိုင်ငံနဲ့ ပတ်သက်တဲ့ သတင်းတွေကို ရယူဖို့ ခက်ခဲနိုင်တယ်လို့ ဦးမောင်မောင်မြင့်က ပြောပါတယ်။
“စစ်အစိုးရအနေနဲ့ကတော့ သတင်းထုတ်ပြန်တဲ့ လမ်းကြောင်း မှန်သမျှကို သူတို့က ထိန်းချုပ်ထား တာကို တွေ့ရပါတယ်။ ပြီးခဲ့တဲ့ တော်လှန်ရေးနေ့တုန်းကဆို သူတို့က ခါတိုင်းဆို နိုင်ငံခြား သတင်းထောက်တွေကို ဖိတ်လေ့ရှိပေမယ့် ဒီနှစ်မှာ ဖိတ်တာကို မတွေ့ရပါဘူး။ အဲဒီအပြင်ကို ပြည်တွင်းကနေ ဖိတ်တဲ့ သတင်းသမားတွေကိုလည်း အမျိုးမျိုး ကန့်သတ်ချုပ်ချယ်ပြီးတော့ သတင်းသမား လေးငါးယောက်လောက်ပဲ ကင်မရာသယ်ဆောင်ခွင့်ရှိတယ်။ ကျန်တဲ့ သတင်းသမား တွေကတော့ စာရွက်နဲ့ ဘောပင်ကိုပဲ သယ်ပြီး သတင်းပိုရတဲ့ အနေအထားရှိတယ်။ အဲဒီလို ပုံစံမျိုးသာ ဆက်သွားနေမယ်ဆိုရင်တော့ မေလ ရွေးကောက်ပွဲဟာ အမှန်တကယ် လွတ်လွတ်လပ်လပ်နဲ့ သတင်းပို့နိုင်မယ့် အနေအထားရှိမယ်လို့ ကျွန်တော်တို့ မမြင်ပါဘူး။ အထူးသဖြင့် နိုင်ငံခြား သတင်းထောက်တွေကို သူတို့တွေ ချုပ်ခြယ်မှုတွေ လုပ်မယ်ဆိုလို့ရှိရင် အဲဒီသဘောမျိုးဖြစ်လာလိမ့်မယ်လို့ ကျွန်တော်ထင်တယ်။ နောက်တပိုင်းကလည်း ပြီးခဲ့တဲ့ စက်တင်ဘာတုန်းကဆိုရင် ဒီပုံမှန်သတင်းထောက်တွေ အပြင် လူထု သတင်းထောက်လို့ ကျွန်တော်တို့ ပြောကြတဲ့ ဘလောက်ဂါတွေရဲ့ စွမ်းဆောင်မှုက အများကြီးပါပါတယ်။ ဘလောက်ဂါ တွေရဲ့ စွမ်းဆောင်မှုတွေကို ကြည့်မယ်ဆိုရင်လည်း သူတို့အနေနဲ့က ဒီအင်တာနက်ကို အများကြီး အားထားရပါတယ်။ အင်တာနက်မရှိလို့ရှိရင် သူတို့အနေနဲ့က နိုင်ငံတကာကို သတင်းပို့ဖို့ မဖြစ်နိုင် ပါဘူး။ နောက်ပြီး လက်ကိုင်ဖုန်းတွေနဲ့ ပတ်သက်လို့ရှိရင် ဒီဟာတွေကို စစ်အစိုးရက ထိန်းချုပ် ထားတာဖြစ်တဲ့ အတွက်ကြောင့် အခုလာမယ့် မေလ လူထုဆန္ဒခံယူပွဲမှာ စစ်အစိုးရက သတင်းကို လုံးဝဥသုန်နီးပါး အမှောင်ချထားလိမ့်မယ်။ အဲဒီအတိုင်းပဲ ဖြစ်လာနိုင်မယ်လို့ ကျွန်တော်စိုးရိမ်ပါတယ်။ ”
မြန်မာ့သတင်းသမဂ္ဂက ဦးမောင်မောင်မြင့် ဖြစ်ပါတယ်။
စက်တင်ဘာလှုပ်ရှားမှတွေ နောက်ပိုင်း မြန်မာစစ် အကြီးအကဲကို လှောင်ပြောင်တဲ့ ကဗျာ ရေးသားမှုကြောင့် ဆိုပြီး ကဗျာဆရာ ကိုစောဝေ အဖမ်းခံခဲ့ရသလို အင်တာနက် ဘလော့ကာသမား ကိုနေဖုန်းလတ်ကိုလည်း အာဏာပိုင်တွေက ဖမ်းခဲ့ပါတယ်။ နောက်တခါ မြန်မာ နေရှင်းသတင်း ဂျာနယ်က အယ်တီတာ ကိုသက်ဇင်နဲ့ မန်နေဂျာ ဦးစိန်ဝင်းမောင်တို့ကိုလည်း ဖမ်းထားသလို စာပေစီစစ်ရေးမူနဲ့ မကိုက်ညီပဲ ထုတ်ဝေခဲ့ ဂျာနယ်တွေကိုလည်း အရေးယူပိတ်ပင်တာတွေကို ဒီနှစ်တွေထဲ ပိုတွေ့လာရတယ်လို့ နိုင်ငံတကာ သတင်းလွပ်လပ်ခွင့် အဖွဲ့တွေကလည်း ပြောပါတယ်။
လူထုခေါင်းဆောင် ဒေါ်အောင်ဆန်းစုကြည်၏ မှတ်သားဖွယ် သမိုင်းဝင် မိန့်ခွန်းများ
(၁၉၉၆ ခုနှစ်ခန့်က အမျိုးသား ဒီမိုကရေစီအဖွဲ့ချုပ် ပြည်နယ်တိုင်းစည်း တွေ ပြန်လည်ဖွဲ့စည်းစဉ်ကာလ ပထမ ဆုံး စတင်ဖွဲ့စည်းနိုင်တဲ့ ဧရာဝတီတိုင်းက တိုင်းစည်းတွေကို ပြောကြားခဲ့တဲ့ ဒေါ်အောင်ဆန်းစုကြည်ရဲ့သမိုင်းဝင် မိန့်ခွန်းကို ၂၀၀၆ ခုနှစ်၊ ဇွန်လ ၁၉ ရက်မှာ ကျရောက်တဲ့ ဒေါ်အောင်ဆန်းစုကြည် မွေးနေ့ အထိမ်းအမှတ်အဖြစ် ဖေါ်ပြအပ်ပါတယ်။ အမျိုးသားဒီမိုကရေစီအဖွဲ့ချုပ်အဖွဲ့ဝင်တွေကို ရည် ရွယ်ပြောဆိုတဲ့ မိန့် ခွန်းဖြစ်ပေမယ့် အဖွဲ့ချုပ်အဖွဲ့ဝင်တွေသာမက မြန်မာနိုင်ငံသားတိုင်း လေ့လာမှတ်သားစရာတွေ ပါဝင်သလို ဒီက နေ့ ခေတ် အခြေအနေအထိကို ကိုက်ညီနေတဲ့ မိန့်ခွန်းလည်းဖြစ်ပြီး စာဖတ်သူရဲ့ ဇာတိမာန်ကို လိပ်ပြာနှိုး ပေး မှာလည်း အသေအချာပဲ ဖြစ်ပါတယ်၊)
လူ့အခွင့်အရေးသမား ဦးမြင့်အေး အရိုက်ခံရ
ကိုသက် ဧရာဝတီသတင်းဌာန
လူ့အခွင့်အရေးကာကွယ်မြှင့်တင်သူ အဖွဲ့၏ခေါင်းဆောင် ဦးမြင့်အေးသည် ယမန်နေ့ည ၉ နာရီခန့်က စမ်းချောင်းမြို့နယ် တွင် အရိုက်ခံရသဖြင့် ခေါင်းတွင် ၅ ချက်ချုပ်ရကြောင်း သိရသည်။
“မနေ့ည ၉ နာရီလောက်က အဖော်တွေနဲ့လမ်းခွဲပြီးအပြန် နောက်ကနေရိုက်သွားပါတယ်။ ခဏတော့ မိုက်ကျသွားတယ်၊ ပြန်သတိထားမိတော့ ကျနော်ကသွေးတွေနဲ့ လမ်းလျှောက်နေပြီ … taxi နဲ့ အိမ်ရောက်အောင်ပြန်သွားတယ်။ အိမ်ရောက်ပြီး အနောက်ပိုင်းဆေးရုံကိုသွားတော့ ညာဘက်နားထဲက သွေးတွေထွက်နေလို့ ရန်ကုန် ဆေးရုံကြီးကိုသွားပါဆိုလို့ သွားရတယ်” ဟု ဦးမြင့်အေးက ဧရာဝတီကို ပြောသည်။
ဦးမြင့်အေး
အကြမ်းဖက်ရိုက်နှက်သူသည် မည်သူဖြစ်သည်ကို ဦးမြင့်အေးကိုယ်တိုင် မတွေ့လိုက်ရပေ။
“ကျနော့်အသက်က ၅၇ နှစ်ပါ။ လမ်းပေါ်မှာ ကလေးကလား ရန်ဖြစ်ရမယ့်အရွယ်နဲ့ အခြေအနေမဟုတ်ပါဘူး။ ရန်ငြိုးရန်စလည်း မရှိပါဘူး။ လူ့အခွင့်အရေးကိုသာ ကျနော်လုပ်တယ်၊ လူ့အခွင့်အရေးကိစ္စတွေကို ထဲထဲဝင်ဝင် ဆောင်ရွက်တယ်။ ဒီလုပ်ရပ်တွေကို မကျေနပ်တဲ့သူက ရိုက်တာဖြစ်မှာပါ” ဟုလည်း ဦးမြင့်အေးက ဆက်ပြောသည်။
ဦမြင့်အေးသည် ရန်ကုန်ဆေးရုံကြီးရှိ ဦးနှောက်နှင့်အာရုံကြောဌာနတွင် တညတာဆေးဝါးကုသမှုခံယူ၍ ယနေ့ညနေ ၄ နာရီကျော်တွင် ဆေးရုံကဆင်းခွင့်ပြုလိုက်သည်ဟု ဦးမြင့်အေး၏မိတ်ဆွေတဦးက ပြောသည်။
ဦးမြင့်အေးအရိုက်ခံရသည့်အမှုကို စမ်းချောင်းရဲစခန်းတွင် အမှုဖွင့်ထားကြောင်း သိရသည်။
“တကယ်လို့ ကျနော့်ကိုရိုက်တဲ့ပုဂ္ဂိုလ်ကြားမယ်၊ သိမယ်ဆိုရင် ပြောချင်ပါတယ် … လူ့အခွင့်အရေးလုပ်လို့ ခြိမ်းခြောက်တဲ့အနေနဲ့ရိုက်တာဆိုရင် ကျနော်ဆက်လုပ်ဦးမယ်လို့ ပြောပါရစေ” ဟု ဦးမြင့်အေးက ပြောသည်။
ဦးမြင့်အေးသည် ရန်ကုန်တိုင်း ကြည့်မြင်တိုင်မြို့နယ် အန်အယ်လ်ဒီ၏ ဥက္ကဌဟောင်းလည်းဖြစ်ပြီး လူ့အခွင့်အရေး စာရွက်စာတမ်းများဖြန့်ဝေသည့်အတွက် ၂၀၀၆ ခုနှစ် စက်တင်ဘာ ၃၀ ရက်တွင် စစ်အာဏာပိုင်များ၏ ဖမ်းဆီးခံခဲ့ရပြီး နိုဝင်ဘာ ၁၃ ရက်တွင် ပြန်လည်လွတ်မြောက်သည်။
လွန်ခဲ့သည့်နှစ် ဧပြီလအတွင်းကလည်း ရန်ကုန်တိုင်း ဟင်္သာတမြို့နယ် အုတ်ပုံရွာတွင် လူ့အခွင့်အရေးကာကွယ် မြှင့်တင်သူ အဖွဲ့ဝင်များ လူ့အခွင့်အရေးဆိုင်ရာ ကိစ္စရပ်များကို လှည့်လည်ရှင်းလင်းစဉ် ကြံ့ဖွံ့များ၏ တုတ်၊ ဓား၊ လေးဂွတို့ဖြင့် အကြမ်းဖက်တိုက်ခိုက်ခြင်းကို ခံခဲ့ရသည်။
အဆိုပါအကြမ်းဖက်မှုကြောင့် လူ့အခွင့်အရေးသမားများဖြစ်ကြသည့် ကိုမြင့်နိုင်နှင့် ကိုမောင်မောင်လေးတို့ ၂ ဦး ပြင်းထန်စွာ ဒဏ်ရာရကြပြီး ရန်ကုန်ဆေးရုံကြီးရှိ ဦးနှောက်နှင့် အာရုံကြောဌာနတွင် ဆေးဝါးကုသခဲ့ကြရသည်။
စစ်အစိုးရက တရုတ်အိုလံပစ်နှင့် တိဘက်အရေးအခင်း ဆက်စပ်ခြင်း မပြုရန် သတိပေးချက်ထုတ်
ဒေါက်တာလွဏ်းဆွေ ဘလော့ မှ ရယူတင်ပြ ပါသည်။
ဒီချုပ်လူငယ်များက ကန့်ကွက်မဲပေးရန် NO လှုပ်ရှားမှု စတင်
မောင်ဒီး မဇ္ဈိမသတင်းဌာန
နယူးဒေလီ။ ။ နအဖ ၏ လူထုဆန္ဒခံယူပွဲတွင် ကန့်ကွက်မဲပေးရေး NO လှုပ်ရှားမှုတရပ်ကို အမျိုးသား ဒီမိုကရေစီအဖွဲ့ချုပ် လူငယ်များက ယနေ့ (တော်လှန်ရေးနေ့) ၌ ရုံးချုပ်ရှေ့တွင် လုပ်ဆောင်ခဲ့ကြသည်။
အဖွဲ့ချုပ်လူငယ် ၂ဝ ကျော်က NO တံဆိပ် ကပ်ထားသည့် တီရှပ် အဖြူ၊ အပြာ၊ အနီ တို့ကို ဝတ်ဆင်ကာ ၆၃ နှစ်မြောက် တော်လှန်ရေးနေ့ အခမ်းအနား မစတင်ခင် ရန်ကုန်တိုင်း ဗဟန်းမြို့နယ် ရွှေဂုံတိုင်လမ်းရှိ ရုံးချုပ်ရှေ့တွင် ဆန္ဒ ဖော်ထုတ်ခဲ့ကြခြင်း ဖြစ်သည်။
"ရှပ်အဖြူ၊ အနီ၊ အပြာတွေမှာ NO စာလုံးရေးထားပြီး အပေါ်မှာက ' ပြတ်ပြတ်သားသား ဆန့်ကျင်ကြ' စာတန်း ကပ်ထားတဲ့ ရှပ်တွေကို ဝတ်ပြီးတော့ ဖက်ဆစ် တော်လှန်ရေးအလံတွေ ကိုင်ပြီးတော့ ဒေါ်အောင်ဆန်းစုကြည် လွတ်မြောက်ရေး၊ နိုင်ငံရေး အကျဉ်းသားများ လွတ်မြောက်ရေးတွေ၊ ကမ္ဘာမကြေ သီချင်းဆိုတယ်။ နောက်ပြီး လူထု ဆန္ဒခံယူပွဲအလိုမရှိ ဆိုပြီး အော်ကြတာပေါ့ ' ဟု အဖွဲ့ချုပ်လူငယ်တဦးက မဇ္ဈိမကို ပြောသည်။
အဖွဲ့ချုပ်လူငယ်များက တနာရီကြာမျှ ကြွေးကြော်သံများ ဟစ်အော်ခဲ့ကြသည်။
ကြံ့ဖွံ့နှင့် အထူး ရဲသတင်းတပ်ဖွဲ့ဝင်အချို့ လာရောက်ကာ ဓာတ်ပုံရိုက် သတင်း ယူခဲ့ကြသော်လည်း တစုံတရာ နှောင့်ယှက်ခြင်း မရှိခဲ့ကြောင်းနှင့် "ဒါကတော့ အဖွဲ့ချုပ် လူငယ်တွေရဲ့ ကိုယ့်ဆန္ဒကို ကိုယ်ထုတ်ဖော်တာ။ လာကြည့်တဲ့ ပြည်သူလူထုတွေမှာလည်း တစုံတရာ မက်ဆေ့ခ်ျတော့ ရသွားမှာပေါ့" ဟု ဟု အဆိုပါ လူငယ်က ပြောသည်။
အမျိုးသား ဒီမိုကရေစီအဖွဲ့ချုပ်က ကျင်းပသည့် တော်လှန်ရေးနေ့ အခမ်းအနားတွင်မူ နဝတ၏ ပြည်သူ့လွှတ်တော် ခေါ်ယူပေးရေး ကတိကဝတ်များ ဖြစ်သည့် ၁၉၈၉ ရွေးကောက်ပွဲဥပဒေပုဒ်မ (၃) နှင့် ၁၊၉ဝ ကြေညာချက် အပိုဒ် ၁၂ တို့နှင့်အညီ နအဖ ကိုယ်တိုင်က ပြည်သူ့လွှတ်တော် ခေါ်ယူပေးရေးကို တောင်းဆိုခဲ့သည်။
ထို့အပြင် ၈၈ မျိုးဆက် ကျောင်းသားခေါင်းဆောင်များ၊ သံဃာတော်များနှင့် နိုင်ငံရေးအကျဉ်းသားများ အားလုံးကို ပြန်လွှတ်ပေးရေး၊ နှစ်ရှည် ထောင်ဒဏ်ကျခံနေရသည့် ရှမ်းဒီချုပ်ပါတီ ဥက္ကဋ္ဌ ဦးခွန်ထွန်းဦးအပါအဝင် ရှမ်းခေါင်းဆောင်များကို ချွင်းချက်မရှိ ပြန်လွှတ်ပေးရန် နအဖကို တောင်းဆိုခဲ့ကြသေးသည်။
သည့်နောက် မြို့နယ်များရှိ အဖွဲ့ချုပ် စည်းရုံးရေးအဖွဲ့ဝင်များ၏ ရုံးခန်းများကို ချိတ်ပိတ်ထားခြင်းမှ ပြန်ဖွင့်ပေးပြီး စည်းရုံး လှုပ်ရှားခွင့်များ ပြန်ပေးရန်နှင့် ၉ဝ ရွေးကောက်ပွဲတွင် ပါဝင်ခဲ့ကြသည့် နိုင်ငံရေးပါတီများကို မှတ်ပုံတင်အသစ် ထုတ်ပေးပြီး စည်းရုံး လှုပ်ရှားခွင့် ပြန်ပေးရန်လည်း တောင်းဆိုခဲ့သည်။
အခမ်းအနားသို့ ဝါရင့် နိုင်ငံရေးသမားများနှင့် နိုင်ငံခြားသံရုံးများမှ သံတမန်များ အပါအဝင် လူဦးရေ ၅ဝဝ ကျော် တက်ရောက်ခဲ့ကြပြီး အခန်းအနားအပြီး အဖွဲ့ချုပ် လူငယ်များက အိန္ဒိယရောက် မြန်မာ့ ဒီမိုကရေစီအင်အားစုများ ရေးသားတင်ဆက်သည့် ဘုန်းဘုန်းချမှ လုံးလုံးရမယ် တိုက်ပွဲခေါ် မြန်မာ့ရိုးရာ အတာသင်္ကြန် သံချပ်များမှ နှစ်သက်ရာ သီချင်းများကို သံချပ်ထိုးကာ နအဖ အစိုးရ၏ ချို့ယွင်းချက်များကို ဝေဖန်ခဲ့ကြသည်။
ရွေးကောက်ပွဲအပြီး အာဏာလွှဲရေးလုပ်မည်ဟု ဗိုလ်ချုပ်မှူးကြီးသန်းရွှေ ပြောကြား
ပီတာအောင် ခေတ်ပြိုင်သတင်းဌာန
စစ်တပ်သည် အာဏာမမက်မောကြောင်း၊ ၂၀၁၀ ပြည့်နှစ်တွင် ရွေးကောက်ပွဲကျင်းပ ပေးခြင်းဖြင့် အာဏာလွှဲပြောင်းရေးဆောင် ရွက်မည်ဟု နအဖစစ်ခေါင်းဆောင်ဗိုလ်ချုပ် မှူးကြီး သန်းရွှေက ကြပ်ပြေး နေပြည်တော်၌ ယနေ့ ကျင်းပသည့် (၆၃) နှစ်မြောက် ဖက်ဆစ်တော်လှန်ရေးနေ့အခမ်းအနားတွင် ပြောကြားသည်။
နအဖစစ်ခေါင်းဆောင် ဗိုလ်ချုပ်မှူးကြီးသန်းရွှေဗိုလ်ချုပ်မှူးကြီးသန်းရွှေက “ရဲဘော်တို့ တပ်မတော်အစိုးရဟာ နိုင်ငံတော်ရဲ့ တာဝန်အရပ်ရပ်ကို မလွှဲသာမရှောင်သာ ရယူလိုက်ရပြီးတဲ့နောက် အာဏာအရပ်ရပ်ကို ပြည်သူ့ထံသို့ ပြန်လည်လွှဲ ပြောင်းပေးနိုင်ရေးအတွက် တရံမလပ်ခံယူပြီး ရည်မှန်းပြင်ဆင်ခဲ့တာဖြစ်တယ်။ တပ်မတော်ဟာ အာဏာကိုမက်မောခြင်းမရှိ်ဘဲ မိမိတာဝန်ယူရတဲ့အခိုက်မှာနိုင်ငံတော်ဖွံ့ဖြိုးတိုးတက်အောင်၊ တာ ၀န်လစ်ဟင်းခြင်းမရှိအောင် မနားမနေအပင်ပန်းခံပြီး ကြိုးပမ်းထမ်းဆောင်နေခဲ့တာဖြစ်တယ်”
ဟု မိန့်ခွန်းတွင် ထည့်သွင်းပြောကြားသွားကြောင်း သတင်းကြေညာသူက ဖတ်ကြားသည်။
ဖွဲ့စည်းပုံအခြေခံဥပဒေမူကြမ်း ပြီးစီးပြီဖြစ်သဖြင့် လာမည့်မေလတွင် ပြည်လုံးကျွတ်ဆန္ဒခံယူပွဲ ကျင်းပပေးမည့်အပြင် ဖြစ်ပေါ်လာမည့် ဖွဲ့စည်းပုံအခြေခံဥပဒေသစ်နှင့်အညီ ပါတီစုံဒီမိုကရေစီ အထွေထွေ ရွေးကောက်ပွဲကို ၂၀၁၀ ပြည့်နှစ်တွင် ကျင်းပပေးခြင်းဖြင့် နိုင်ငံတော်အာဏာ လွှဲ ပြောင်းရေးကို ဆောင်ရွက်နိုင်တော့မည်ဟုလည်း ဗိုလ်ချုပ်မှူးကြီးက ပြောသည်။
တပ်မတော်က အာဏာမမက်မောကြောင်း ပြောဆိုမှုသည် စစ်ဗိုလ်ချုပ်ကြီးများ အစဉ်တစိုက် ပြောခဲ့သည့် စကားဖြစ်ပြီး သမိုင်းသင်ခန်းစာများအရ ၎င်းတို့၏စကားများမှာ ယုံရခက်သည်ဟု
ဝါရင့်နိုင်ငံရေးသမားကြီး ဦးထွေးမြင့်က ထောက်ပြဝေဖန်သည်။
၎င်းက “ဒီလိုပြောတာကို ယုံရခပ်ခက်ခက်လို့ ပြောလို့ဖြစ်ပါတယ်။ ၂၀၁၀ မှာဘာဖြစ်မယ်ဆိုတာ ကြိုမပြောနိုင်ပေမယ့် ၁၉၇၄ မှာ ဘယ်လိုအပြောင်းအလဲဖြစ်ခဲ့တယ်ဆိုတာကိုတော့ ကျနော်တို့ တွေ့ပြီးသား၊ ကြုံပြီးသားဖြစ်တယ်။ ၁၉၉၀ ပြည့်နှစ်မှာလည်း ဗိုလ်ချုပ်မှူးကြီးစောမောင်က အာ ဏာလွှဲပေးမယ်။ ရွေးကောက်ခံကိုယ်စားလှယ်တွေကပဲအခြေခံဥပဒေဆွဲပါ။ ကျနော်တို့မပါ ပါရ စေနဲ့ဆိုပြီး တိတိလင်းလင်းပြောခဲ့တာပဲ။ ဒါပေမယ့်လက်တွေ့ဘာမှအကောင်အထည်ဖြစ်မလာ ပါဘူး။ တပ်မတော် စစ်တန်းလျားကို ပြန်မယ်ဆိုတဲ့ ပုဂ္ဂိုလ်လည်း မရှိတော့ သူပြောတဲ့ကတိကို နောက်လူတွေက လိုက်စရာမလိုဘူးလို့ သဘောထားသလားတော့ မသိပါဘူး” ဟု ပြောသည်။
ဝါရင့်နိုင်ငံရေးသမားကြီးများကလည်း ရန်ကုန်မြို့ရှိ သခင်သိန်းဖေနေအိမ်၌ ဖက်ဆစ်တော်လှန် ရေးနေ့ မိတ်ဆုံစားပွဲတခုကို ယနေ့ကျင်းပခဲ့သည်။
ယင်းအခမ်းအနားတွင် သခင်သိန်းဖေက နိုင်ငံတနိုင်ငံ၏ အခြေခံအုတ်မြစ်သည် သွေးစည်းညီ ညွတ်ရေးဖြစ်ပြီး တိုင်းရင်းသားများအပါအ၀င် တာဝန်ရှိသူ ခေါင်းဆောင်များအကြား တွေ့ဆုံ ဆွေးနွေး၍ အမျိုးသားညီညွတ်ရေးနှင့် ငြိမ်းချမ်းရေး တည်ဆောက်ကြရန် ပန်ကြားသည်။
အမျိုးသားဒီမိုကရေစီအဖွဲ့ချုပ်က ရန်ကုန်မြို့ရှိ ဗဟိုဌာနချုပ်၌ အခမ်းအနားသီးခြားကျင်းပခဲ့ပြီး စစ်အစိုးရ ကိုယ်တိုင်ထုတ်ပြန်ခဲ့သည့် ၁/၉၀ ကြေညာချက်အတိုင်း ပြည်သူ့လွှတ်တော်ခေါ်ယူ ပေးရန်နှင့် နိုင်ငံရေးအကျဉ်းသားများ လွှတ်ပေးရန် တောင်းဆိုကြောင်း ထပ်မံကြေညာသည်။
အဖွဲ့ချုပ်ရုံးရှေ့၌ အန်အယ်လ်ဒီ လူငယ် (၂၀) ကျော်တို့က ဖက်ဆစ်တော်လှန်ရေးအလံနှင့် ယူအန်အလံများကိုင်ပြီး “ပြတ်ပြတ်သားသားဆန့်ကျင်ကြ၊ NO! ” ဟု ရေးသားထားသည့် အနီ၊ အဖြူ နှင့် အပြာရောင်အင်္ကျီများဝတ်ဆင်ကာ ဒေါ်အောင်ဆန်းစုကြည် လွတ်မြောက်ရေး၊ နိုင်ငံ ရေးအကျဉ်းသားများလွတ်မြောက်ရေး၊ လူထုဆန္ဒခံယူပွဲ အလိုမရှိ စသည့် ကြွေးကြော်သံများ၊ သီချင်းနှင့် သံချပ်များဟစ်အော်၍ ဆန္ဒပြခဲ့သည်ဟု အဖွဲ့ချုပ်လူငယ်အဖွဲ့ဝင်တဦးကပြောသည်။
မြန်မာနိုင်ငံကို (၃) နှစ်ကြာ ရက်ရက်စက်စက် ညှဉ်းပန်းနှိပ်စက်အုပ်ချုပ်ခဲ့သည့် ဖက်ဆစ်ဂျပန် များကို မြန်မာပြည်သူတရပ်လုံး ညီညီညွတ်ညွတ် တော်လှန်တိုက်ပွဲဝင်ခဲ့သည့် မတ်လ (၂၇) ရက်နေ့ကို ဖက်ဆစ်တော်လှန်ရေးနေ့အဖြစ် ခေတ်အဆက်ဆက်ကျင်းပခဲ့သော်လည်း လက်ရှိ စစ်အစိုးရက တပ်မတော်နေ့အဖြစ် သတ်မှတ်ကျင်းပသည်။
ဘင်္ဂလားဒေ့ရ်ှမှ မြန်မာ့ဒီမိုကရေစီရေးလှုပ်ရှားသူများ ခရီးရှည်လမ်းလျှောက်
ကျော်ထင် ခေတ်ပြိုင်သတင်းဌာန
လာမည့်မေလတွင် ပြုလုပ်မည့် ဆန္ဒခံယူပွဲကို ဆန့်ကျင်ကန့်ကွက်သည့်အနေဖြင့် ဘင်္ဂလား ဒေ့ရ်ှနိုင်ငံမှ ရခိုင်သံဃာများပါဝင်သည့် ဒီမို ကရေစီရေးလှုပ်ရှားသူများကမြို့တော်ဒက္ကာမှ စ၍ ခရီးရှည်လမ်းလျှောက်ခြင်းကို ယနေ့ စတင်သည်။
ဒက္ကာမြို့လယ်သို့ ခရီးရှည်လမ်းလျှောက်သူများ ဖြတ်သန်းလာစဉ်သံဃာ (၆)ပါးပါဝင်သော ဒီမိုကရေစီရေးလှုပ် ရှားသူ (၁၃) ဦးသည် ယနေ့နံနက် (၉) နာရီ တွင် ဒက္ကာတက္ကသိုလ်အနီးမှ စတင်လမ်း လျှောက် ဆန္ဒပြချီတက်ခြင်းဖြစ်ပြီး (၂၄၅)မိုင် ခန့်ဝေးသော မြန်မာ-ဘင်္ဂလားဒေ့ရ်ှနယ်စပ် ကော့ဘဇားမြို့အထိ (၁၅) ရက်ကြာ ခရီးရှည် လမ်းလျှောက်မည်ဖြစ်သည်။
လမ်းလျှောက်ရာတွင်ပါဝင်သူ ကိုကံမြင့်က “ကျနော်တို့ အခုမြို့ထဲမှာပဲ ရှိသေးတော့ ကားတွေက လည်းရှုပ်၊ လူတွေကလည်းများ၊ နောက်ပြီး နားမယ့်နေရာ အပင်တွေကလည်း မရှိဘူးလေ၊ အခု (၁၀) မိုင်ကျော်ကျော်လောက်တော့ ရောက်နေပါပြီ” ဟုပြောသည်။
သာသနာ့အလံနှင့် ဒေါ်အောင်ဆန်းစုကြည်ပုံအပါအ၀င် ကြွေးကြော်သံပိုစတာများ ကိုင်ဆောင် ထားသော ခရီးရှည်လမ်းလျှောက်သူများကို အာဏာပိုင်များက နှောင့်ယှက်တားဆီးခြင်းမရှိဟု သိရသည်။
နအဖ ရေးဆွဲထားသည့် ဖွဲ့စည်းပုံသည် မမှန်ကန်သည့်လုပ်ရပ်ဖြစ်ကြောင်း ပြည်သူများသဘော ပေါက်သိရှိလာစေရန်ယခုကဲ့သို့ ခရီးရှည်လမ်းလျှောက်ချီတက်ဆန္ဒပြရခြင်းဖြစ်သည်ဟု ကိုကံမြင့် ကပြောသည်။
၆၃ နှစ်မြောက် တော်လှန်ရေးနေ့ 
၆၃ နှစ်မြောက် တော်လှန်ရေးနေ့  သီချင်းဖိုင်..က ဒီမှာ
ဦးအောင်တိုးကို အရေးယူရန် မြန်မာနိုင်ငံရှေ့နေများကောင်စီ တောင်းဆို
ကျော်ထင် ခေတ်ပြိုင်သတင်းဌာန
စစ်အစိုးရ တရားသူကြီးချုပ် ဦးအောင်တိုးအား မတရားဥပဒေ ပြဋ္ဌာန်းမှုဖြင့် အရေးယူရန် ထိုင်း-မြန်မာနယ်စပ်အခြေစိုက် မြန်မာ နိုင်ငံရှေ့နေများကောင်စီ (ဘီ အယ်လ်စီ)က အာရှ-ပစိဖိတ်တရား သူကြီးများအဖွဲ့သို့ တောင်းဆို သည်။
၁၉၉၅ ခု အာရှ-ပစိဖိတ်တရား သူကြီးများ ညီလာခံတွင် လက်မှတ် ရေးထိုးသဘောတူညီခဲ့သော “လွတ် လပ်သော တရားစီရင်ရေးဆိုင်ရာ မူသဘောတူညီချက်” ပါအချက်ကို ဖောက်ဖျက်ကျူးလွန်မှုဖြင့် ဦးအောင်တိုးအား အရေးယူပေး ရန် ဘီအယ်လ်စီ ဥပဒေရေးရာသုံးသပ်ရေးဌာနက ယမန်နေ့ရက်စွဲဖြင့် လျှောက်ထားခြင်းဖြစ် သည်။
တရားသူကြီးချုပ် ဦးအောင်တိုး
တရားသူကြီးချုပ်ဦးအောင်တိုးသည် သက်သေခံဥပဒေနှင့် ပြစ်မှုဆိုင်ရာကျင့်ထုံးဥပဒေတို့ကို ချိုး ဖောက်ကာ “ပြည်ထောင်စုမြန်မာနိုင်ငံနှင့် ဦးရဲနောင်ပါ-(၂) စီရင်ထုံးပြဋ္ဌာန်းပေးလိုက်သည်ဟု ဘီအယ်လ်စီ၏ လျှောက်ထားချက်တွင် ပါရှိသည်။
ဦးရဲနောင် ပါ-(၂) အမှုမှာ တရားခံဟု ယူဆရသူများအား (၁၃-၁-၈၉) နေ့၌ အပြီးအပိုင်လွတ်မိန့် ချခဲ့ပြီးမှ ဦးအောင်တိုးက တရားသူကြီးချုပ်စုံညီခုံရုံးဖြင့် ရှေ့နေချုပ်ရုံးမှတဆင့် အထူးအယူခံမှု စစ်ဆေးစီရင်ခြင်းဆိုင်ရာလုပ်ထုံးလုပ်နည်းအရ တရားခံနှစ်ဦး၏စစ်ထောက်လှမ်းရေးထံ စစ်ဆေး ခံချက်များကို အခြေခံ၍ ပြန်လည်စစ်ဆေးကာ ၁၉၉၁ ခုတွင် ပြစ်ဒဏ်ချမှတ်ခြင်း ဖြစ်သည်။
ဘီအယ်လ်စီ ဥပဒေရေးရာသုံးသပ်ရေးဌာန တာဝန်ခံ ဦးမျိုးက “သက်သေခံပုဒ်မ (၂၆) အရ ရဲထံ အချုပ်ခံနေစဉ်အတွင်း တရားခံ၏ဖြောင့်ချက်ကို တရားရုံးတွင်တင်ပြခွင့်မပြုရလို့ ပါတယ်။ အဲဒီ တော့ ရဲရှေ့၊ စစ်ထောက်လှမ်းရေးရှေ့မှာ ထွက်ဆိုချက်တွေဟာ တရားရုံးမှာ ဘယ်တုန်းကမှ သက်သေခံချက်မ၀င်ခဲ့ဘူးဗျ။ ဒါပေမယ့် ဒီစီရင်ထုံးမှာ သက်သေခံချက်ဝင်အောင် တမင်တကာ ပြလာပြီးတော့ အစိုးရနဲ့အတိုက်အခံအင်အားစုတွေကို လွယ်လွယ်ကူကူထောင်ထဲထည့်နိုင်အောင် ပြဋ္ဌာန်းလာတဲ့စီရင်ထုံးဖြစ်တယ်” ဟု ပြောသည်။
၎င်းစီရင်ထုံးကို အသုံးပြု၍ အတိုက်အခံအချို့ကို ဖမ်းဆီး ထောင်ချထားကြောင်းလည်း ဘီ အယ်လ်စီက နိုင်ငံရေးအကျဉ်းသားများကူညီစောင့်ရှောက်ရေးအသင်း (မြန်မာနိုင်ငံ)၏ စာရင်း ဇယားများကို ကိုးကားဖော်ပြထားသည်။
“တရားဥပဒေကိုချိုးဖေါက်ပြီး ပြဆိုထားတဲ့ စီရင်ထုံးအပေါ်မှာမူတည်ပြီးတော့ ကျန်တဲ့အမှုတွေကို ချတယ်ဆိုတော့ ကျနော်တို့ဟာ အမှန်တရားရှာဖွေတဲ့နေရာမှာ အမှားပေါ်မှာအခြေခံထားတဲ့စီရင် ထုံးကို မူတည်ပြီးတော့ အမှားတွေချည်း ဆုံးဖြတ်နေရင် တရားဥပဒေစိုးမိုးမှုမရှိတော့ဘူး၊ တရား မျှတမှုမရှိတော့ဘူးလို့ ဥပဒေကြောင်းအရ သုံးသပ်တာပါ” ဟု ဦးမျိုးက ဆက်ပြောသည်။
ဦးအောင်တိုးကဲ့သို့ နိုင်ငံတော်တရားသူကြီးချုပ်တဦးကို အရေးယူရန်လျှောက်ထားမှုသည် အာရှ- ပစိဖိတ်တရားသူကြီးများအဖွဲ့တွင် ပထမဆုံးအကြိမ်ဖြစ်ကြောင်း သိရသည်။
စစ်အစိုးရတရားစီရင်ရေးစနစ်၏ အားနည်းချက်များကို ဟောင်ကောင်အခြေစိုက် အာရှလူ့အခွင့် အရေးကော်မရှင်ကလည်း အကြိမ်ကြိမ် ဝေဖန်ထောက်ပြနေဆဲဖြစ်သည်။
စစ်အစိုးရ စလောင်းတပ်လျင် အခွန်ဆောင်စရာ မလို
အောင်သက်ဝိုင်း ဧရာဝတီသတင်းဌာန
စစ်အစိုးရက ဂြိုဟ်တုစလောင်း လိုင်စင်ကြေးများကို ကျပ် ၁၀ သိန်းအထိ တိုးမြှင့်ယူမည်ဟူသော သတင်း ထုတ်ပြန်ထားသော်လည်း ပြန်ကြားရေးဝန်ကြီးဌာနနှင့် ဖော်အဲဗား ဂရု(ပ်) (Forever Group) ကုမ္ပဏီတို့ အကျိုးတူ ပူးပေါင်းထားသည့် ဖန်မလီ အင်တာတိန်းမင့်(Family Entertainment)မှ ဂြိုဟ်တုရုပ်သံ ဖမ်းစက် များကို ဝယ်ယူလျင် အခွန်ဆောင်စရာမလိုကြောင်း ယင်းကုမ္ပဏီဝန်ထမ်းများနှင့် ဝယ်ယူတပ်ဆင်သူများက ပြောသည်။
ယခုနှစ် ဇန်နဝါရီလ မှစတင်၍ ဂြိုဟ်တုစလောင်း လိုင်စင်ကြေးများကို ကျပ် ၆၀၀၀ မှ ကျပ် ၁၀ သိန်းအထိ တိုးမြှင့် ကောက်ယူသွားမည်ဖြစ်ကြောင်း ဆက်သွယ်ရေး ဝန်ကြီးဌာန တာဝန်ရှိသူများက ဇန်နဝါရီလဆန်းတွင် သတင်းထုတ်ပြန်ခဲ့သည်။
ရန်ကုန်မြို့တွင် တပ်ဆင်အသုံးပြုနေသည့် ဂြိုဟ်တုစလောင်းများ (ဓာတ်ပုံ-ဧရာဝတီ)
အဆိုပါ သတင်း တရားဝင်ထွက်ပေါ်လာပြီးနောက် နိုင်ငံတကာ သတင်းရုပ်သံလိုင်းများ ကြည့်ရှုနိုင်သော ရှစ်ပေ စလောင်းတပ်ဆင်ထားသူများက ၎င်းတို့စလောင်းများကိုဖြုတ်ချခဲ့ပြီး စလောင်းအရောင်းဆိုင်များလည်း အရောင်း အဝယ် ရပ်ဆိုင်းခဲ့သည်။
သို့သော် မည်သည့်နေ့တွင် စတင်အကောင်အထည်ဖော်မည်ဟူသော ကိစ္စအား စုံစမ်းမေးမြန်းရာတွင် တာဝန်ရှိ သူများက တိကျသေချာစွာ ပြန်လည်ဖြေကြားခြင်း မရှိကြောင်း သိရသည်။
ရန်ကုန်မြို့ ရန်ကင်းမြို့နယ်တွင် နေသူတဦးက“မတ်လ ၂၀ ရက်နေ့က စလောင်းလိုင်စင် လက်ခံတဲ့ မြို့နယ် စာတိုက် ဦးစီးမှူးကို အခွန်ဘယ်တော့ ဆောင်ရမလဲ၊ ဘယ်လောက်ဆောင်ရမလဲဆိုပြီး သွားမေးတယ်၊ မသိပါဘူး၊ ညွှန်ကြားချက် မလာသေးပါဘူးက လွဲလို့ ဘာမှမပြောဘူး”ဟု ဆိုသည်။
ယင်းသို့ စလောင်းလိုင်စင်ကြေးများ အဆမတန်ပေးဆောင်ရမည်ဟူသော သတင်းကြောင့် ရန်ကုန်နှင့် မန္တလေး မြို့များရှိ စလောင်း အရောင်းဆိုင်များ အရောင်းအဝယ်ရပ်ဆိုင်းသွားသော်လည်း ဖန်မလီ အင်တာတိန်းမင့် ဂြိုဟ်တု ရုပ်သံဖမ်း စက်များ တရက်လျှင် ၅၀ နှင့် ၁၀၀ အကြားရောင်းချနေရသည်ဟု ရန်ကုန်မြို့ လမ်းမတော်မြို့နယ် ဝါးတန်းလမ်းရှိ အဆိုပါ ကုမ္ပဏီ အရောင်းဆိုင်မှ အရောင်းဝန်ထမ်း အမျိုးသမီး တဦးက ပြောပြသည်။
၎င်း ဝါးတန်းလမ်းရှိဆိုင်သည် ပြန်ကြားရေးဝန်ကြီးဌာနနှင့် ဖော်အဲဘားဂရု(ပ်) ကုမ္ပဏီတို့၏ ဖန်မလီ အင်တာ တိန်းမင့် ဂြိုဟ်တု ရုပ်သံဖမ်းစက်များ ရောင်းချသည့်ဆိုင်ဖြစ်သည်။
စလောင်းအခွန်တိုးမြှင့်မည့်သတင်းများ ကျယ်ကျယ်ပြန့်ပြန့်ထွက်ပေါ်လာပြီးနောက်ပိုင်း မြန်မာ စာတန်းထိုး အင်္ဂလိပ် ရုပ်ရှင်ဇတ်ကားများ၊ ကာတွန်းကားများ၊ ပရီးမီးယားလိဂ် ဘောလုံးပွဲများအပါအ၀င် ကမ္ဘာ့ဖလားဘောလုံး ပွဲများကို တိုက်ရိုက်ဖမ်းယူနိုင်သော ဖန်မလီ အင်တာတိန်းမင့် ဂြိုဟ်တုရုပ်သံဖမ်းစက်များ ၀ယ်ယူမှုအထူးမြင့်တက် လာကြောင်း ဖော်အဲဘားဂရု(ပ်) ကုမ္ပဏီ၏ ဈေးကွက်တာဝန်ခံ တဦးက ရှင်းပြသည်။
“ဒီ ဖန်မလီ အင်တာတိန်းမင့် ဂြိုဟ်တုရုပ်သံဖမ်းစက်တွေက အစိုးရက တရားဝင်ရောင်းတာဆိုတော့ အခွန် ဆယ်သိန်း ဆိုလည်း ဆောင်စရာမလိုဘူး၊ ကိုယ်ကြည့်တဲ့ ရုပ်သံလိုင်းအနည်းအများပေါ် မူတည်ပြီး လစဉ်ကြေး သွင်းသွားရုံပါပဲ” ဟု အထက်ပါ ဈေးကွက်တာဝန်ခံက ပြောသည်။
ဖန်မလီ အင်တာတိန်းမင့် ဂြိုဟ်တုရုပ်သံဖမ်းစက်ဖြင့် CNN/ STAR MOVIE/ STAR WORLD / DISCOVERY/ NATIONAL GEOGRAPHIC/ ADVENTUR ONE / MTV/ EURO SPORT/ CHANNEL [V]/ ANIMAL PLANET/ CARTOON NETWORK/ DISCOVERY TRAVEL & LIVING / 5 MOVIE/ 5 CARTOONS / STAR SPORT/ ESPN/ 5 SERIES/ CCTV စသည့်နိုင်ငံတကာ ရုပ်သံ ၁၉လိုင်းနှင့် မြန်မာ့ရုပ်မြင်သံကြားနှင့် မြ၀တီက စမ်းသပ်ထုတ်လွှင့် နေသော ရုပ်သံလိုင်းအများအပြားကို ဖမ်းယူနိုင်ကြောင်း သိရသည်။
“အဲဒီ ဖန်မလီ အင်တာတိန်းမင့် ဂြိုဟ်တုရုပ်သံဖမ်းစက်ရယ်၊ ESPN/ STAR SPORTS/ 5SERIES/ 5 MOVIES/ 5 CARTOON ရုပ်သံ ငါးလိုင်းဖမ်းတဲ့ ကတ်ရယ် ဆိုရင် ငွေ ကျပ်၂၇၇၀၀၀ ကုန်မှာပါ၊ အဲဒါ တနှစ်စာ အခွန်ပါ အပြီးပေါ့”ဟု ဝါးတန်းလမ်းဆိုင်ရှိ အရောင်းသမ တဦးက ရှင်းပြသည်။
ထို့အပြင် CNN / MTV နှင့် တခြားနိုင်ငံတကာရုပ်သံ လိုင်းများထပ်မံကြည့်ရှုလိုပါက ရုပ်သံလိုင်းတလိုင်းလျင် တလ ကျပ် ၂၀၀၀ နှုန်းနှင့် တနှစ်စာ ငွေထပ်သွင်း၍ ကြည့်ရှုနိုင်ကြောင်း၊ အစိုးရကို မည်သည့် အခွန်ငွေမှ ထပ်မံပေးဆောင်စရာ မလိုကြောင်းလည်း ၎င်းက ဆက်လက်ပြောသည်။
ယင်း ဖန်မလီ အင်တာတိန်းမင့် ဂြိုဟ်တုရုပ်သံဖမ်းစက်နှင့် ဖမ်းယူကြည့်ရှုနိုင်သော CNN နှင့် သတင်း ရုပ်သံ လိုင်းများ၏ သတင်းအစီအစဉ်များကို စစ်အစိုးရက ဖြတ်တောက် ဆင်ဆာလုပ်၍ ပြန်လည်ထုတ်လွှင့်ခြင်း ဖြစ် သည်ဟု ဖန်မလီ အင်တာတိန်းမင့် စလောင်းတပ်ဆင်ကြည့်ရှုနေသည့် စီးပွားရေးလုပ်ငန်းရှင်တဦးက ပြောသည်။
“၂၀၀၇ ခုနှစ် စက်တင်ဘာသံဃာတော်တွေဦးဆောင်တဲ့ လူထုဆန္ဒပြပွဲတွေဖြစ်တော့ စစ်အစိုးရက CNN သတင်း ရုပ်သံလိုင်းကို ပိတ်ထားတယ်၊ ဘာသတင်းလိုင်းမှလည်း ကြည့်လို့မရတော့ဘူး”ဟု ၎င်းက ဆိုသည်။
သို့သော် ထို ဖန်မလီ အင်တာတိန်းမင့် စလောင်းကို ငွေကြေး တတ်နိုင်သည့် စီးပွားရေးလုပ်ငန်းရှင်များ က အပန်းဖြေ ဖျော်ဖြေရေးအတွက် ၀ယ်ယူကြည့်ရှုကြကြောင်းနှင့် လောင်းကစား ဒိုင်များကလည်း ဘောလုံးပွဲပြသ ရန် ၀ယ်ယူတပ်ဆင်ကြကြောင်း သိရသည်။
ဖန်မလီ အင်တာတိန်းမင့် စလောင်းတပ်ဆင်ထားသော ရန်ကင်းမြို့နယ်ရှိ လက်ဖက်ရည်ဆိုင်ပိုင်ရှင် တဦးက လည်း “သတင်းလိုင်းတွေကြည့်လို့မရပေမယ့် ဖျော်ဖြေရေးအတွက်ဆိုရင်တော့ ကြည့်ပျော်ပါတယ်၊ အိမ်နီးချင်း ထိုင်း နဲ့ တရုတ်နိုင်ငံက ၀င်တဲ့ ရှစ်ပေ စလောင်းတွေ ၀ယ်တတ်ရင်တော့ တနှစ် ဆယ်သိန်း အခွန် ဆောင်ရမှာ ဆိုတော့ များလွန်းတယ်၊ အခု ရုပ်သံဖမ်းစက်ဆိုရင်အခွန်ဆောင်စရာမလိုဘဲ တနှစ်မှ သုံးသိန်းကျော်လောက် ပဲပေးရတယ်၊ ပြီးတော့ ပြန်ကြားရေးဝန်ကြီးဌာန က တရားဝင်ရောင်းထားတဲ့ ပစ္စည်းဆိုတော့ အခွန်မဆောင်လို့ ပြဿနာရှာမှာတို့ ထောင်ချမှာတို့ မပူရတော့ဘူးပေါ့”ဟု ပြောပြသည်။
ရန်ကုန်မြို့ရှိ ရှစ်ပေစလောင်းတပ်ဆင် ကြည့်ရှုသူအများစုသည် တရားဝင်လိုင်စင်မရှိဘဲ တပ်ဆင်ကြည့်ရှု နေခြင်း ဖြစ်ကြောင်း၊ အခွန်ဆောင်သူ နှစ်သောင်းနီးပါးသာရှိပြီး လိုင်စင်မရှိသူ သိန်းဂဏန်းခန့်ရှိကြောင်း ရန်ကုန် စာတိုက် ကြီးမှ ဆက်သွယ်ရေး အရာရှိတဦးက ပြောသည်။
အခွန် ဆယ်သိန်း သတင်းထွက်ပေါ်လာချိန်က တချို့မှာ ရှစ်ပေစလောင်းများကို ဖြုတ်ထားကြသော်လည်း ယခုအခါပြန်လည်တပ်ဆင်၍ ကြည့်ရှုနေကြသည်ဟု ရန်ကုန်မြို့ခံများ က ပြောသည်။
“အားလုံးတော့ မဟုတ်ဘူး၊ လူ ၁၀ ယောက်မှာ ၇ ယောက်လောက်က စလောင်း ပြန်တပ်ကြတယ်” ဟု ရန်ကုန်ရှိ စလောင်းအရောင်းဆိုင် အလုပ်သမားတဦးက ဆိုသည်။
စစ်အစိုးရ ဆက်သွယ်ရေး၊ စာတိုက်နှင့် ကြေးနန်းဝန်ကြီးဌာနက ဂြိုဟ်တုစလောင်းများ၏ အခွန်ကြေးအား ကျပ် ဆယ်သိန်းအထိ တိုးမြှင့်မည်ဟု ယခုနှစ် ဇန်န၀ါရီလတွင် သတင်းထုတ်ပြန်ခဲ့ခြင်းမှာ၂၀၀၇ခုနှစ် စက်တင်ဘာလ သံဃာတော်များဦးဆောင်သော ဆန္ဒပြပွဲများကို ရှစ်ပေ ဂြိုဟ်တုစလောင်းများဖြင့်ဖမ်းယူကြည့်ရှုခြင်းအား စစ်အစိုး ရ၏ မနှစ်သက်မှု အဓိကပါဝင်ကြောင်း၊ ထို့အပြင် ဖန်မလီ အင်တာတိန်းမင့် စလောင်းများရောင်းချအမြတ်ထုတ် လို၍ ပြန်ကြားရေးဝန်ကြီးဌာနှင့် ဖော်အဲဗား ဂရု(ပ်) တို့ ပူးပေါင်းလုပ်ဆောင်ခြင်းဖြစ်ကြောင်း ရန်ကုန် စီးပွားရေး အသိုင်းအဝန်းက ဝေဖန် သုံးသပ်နေကြသည်။
“စစ်အစိုးရက ပြည်သူတွေကို နိုင်ငံတကာရုပ်သံလိုင်းတွေ မကြည့်စေချင်လို့ စလောင်း အခွန်တွေကို ပြည်သူတွေ မတတ်နိုင်တဲ့ ဆယ်သိန်းဆိုပြီးဆောင်ခိုင်းမယ်၊ တကယ်လို့ စလောင်းသိပ်တပ်ချင်ရင်တော့ သူတို့ရောင်းတဲ့ ဖန်မလီ စလောင်းတပ်ပေါ့၊ ရှင်းရှင်းပြောရရင်တော့ တချက်ခုတ်နှစ်ချက်ပြတ်ဆိုတဲ့သဘော လုပ်လိုက်တာပါ”ဟု စီးပွားရေး လုပ်ငန်းရှင်တဦးက ပြောဆိုသည်။
အဆိုပါ ဖန်မလီ အင်တာတိန်းမင့် ဂြိုဟ်တု ရုပ်သံဖမ်းစက်များကို ၂၀၀၅ ခုနှစ်ကစတင်၍ တရားဝင် ရောင်းချခဲ့ ခြင်း ဖြစ်ပြီး နိုင်ငံတကာ သတင်း ရုပ်သံလိုင်းများဖမ်းယူကြည့်ရှုနိုင်သော ရှစ်ပေ စလောင်းများကို ၁၉၉၈ ခုနှစ် ကမ္ဘာ့ဖလား ဘောလုံးပြိုင်ပွဲကျင်းပချိန်မှစတင်၍ မြန်မာနိုင်ငံတွင် ခေတ်စားလာခြင်းဖြစ်ကြောင်း သိရသည်။
သပိတ်သာ မှောက်ကြပါ..ပီကင်း အိုလံပစ်
ကိုမျိုးမှ မေတ္တာ ဂရုဏာ ဖြင့် ခံစားပေးပါသည်။
မြန်မာရဲများ ရမ်ဘိုကို ပိုက်စိတ်တိုက် ရှာနေ
မဇ္ဈိမသတင်းဌာန
ရန်ကုန်။ ။ နိုင်ငံတဝှမ်း ဗီဒီယိုခွေ အငှားဆိုင်များကို ရှောင်တခင် စစ်ဆေးပြီး ဟောလိဝုဒ် မင်းသားကြီး ရမ်ဘို ဇာတ်ကားကို လိုက်လံ ရှာဖွေနေရသော မြန်မာရဲများ အလုပ်များနေကြသည်။
မြန်မာစစ်တပ်နှင့် ရမ်ဘို ဦးဆောင်သော လက်နက်ကိုင်တစု တိုက်ခိုက်မှု ပါဝင်သော ရမ်ဘို ၄ ရုပ်ရှင်ကားကို စစ်အစိုးရက ဖြန့်ဝေခွင့်မပြုဘဲ ပိတ်ထားသော်လည်း လူအများ လက်သိပ်ထိုး ငှားရမ်း ကြည့်ရှုနေ၍ နယ်မြို့များအထိ ရဲများ ရှာဖွေမှုများ လုပ်နေရခြင်း ဖြစ်သည်။
"သူတို့က သတင်း ရထားပြီဆိုရင် မထင်ရင် မထင်သလို ပေါက်ချလာပြီး လာရှာဖွေကြတာပဲ။ အဓိကတော့ ရမ်ဘို ၄၊ စက်တင်ဘာဆန္ဒပြပွဲခွေလို နိုင်ငံရေးနဲ့ဆိုင်တဲ့ ခွေတွေ၊ ညစ်ညမ်းခွေတွေပေါ့" ဟု ပဲခူးမြို့မှ VCD ခွေဆိုင် ပိုင်ရှင်တဦးက ပြောသည်။
ရမ်ဘို ဗီစီဒီ ငှားရမ်းခြင်း မပြုရန် ပြီးခဲ့သည့် ၂ ပတ်ခန့်က ပဲခူးမြို့တွင် ရုပ်ရှင် အစည်းအရုံးအပါအဝင် သက်ဆိုင်ရာကလည်း သတိပေး တားမြစ်မှုသည် အငှားဆိုင်များသို့ ညွှန်ကြားခဲ့သည်။
ကချင်ပြည်နယ် မြစ်ကြီးနားမြို့ပေါ်ရှိ အခွေငှားဆိုင်များကိုလည်း ဒေသ အာဏာပိုင်များက မကြာခဏ ရမ်ဘိုခွေရှာမှု ပြုလုပ်လေ့ရှိသည်။
"ဆိုင်တွေကို ရဲတွေလာစစ်တာ ၃ ပတ်လောက်တော့ ရှိသွားပြီတဲ့။ ခဏခဏ လာစစ်တယ်။ အဖမ်းခံရတယ် ဆိုတာတော့ မကြားမိသေးဘူး" ဟု မြစ်ကြီးနား ဒေသခံတဦးက ပြောသည်။
"ဒီမှာက တော်တော်များများ ကြည့်ပြီးသွားကြပြီ။ ခွေကိုတော့ ဆိုင်လေးတွေကနေ ခိုးဝယ်ရတယ်။ ကော်ပီခွေပဲ ဝယ်ပြီး ကြည့်ပြီးတာနဲ့ ပစ်လိုက်ကြရတယ်" ဟု ကျောင်းသူတဦးက ပြောသည်။
မြန်မာပြည်အလယ်ပိုင်း မန္တလေးမြို့တွင် ပြီးခဲ့သည့် ၃ ပတ်က ရှာဖွေစစ်ဆေးမှုများ တင်းကျပ်စွာ လုပ်ဆောင်လာခဲ့သဖြင့် ရမ်ဘိုကား ပြန့်နှံ့မှု နည်းသွားခဲ့သည်။
ရမ်ဘို ၄ ကို ထိုင်း-မြန်မာနယ်စပ်တွင် ရိုက်ကူးထားပြီး မင်းသား ဆယ်လ်ဗဲစ်စတာ စတားလုံးက ဘန်ကောက်တွင် နေထိုင်သော အငြိမ်းစား စစ်ပြန်ကြီးအဖြစ် ပါဝင် သရုပ်ဆောင်ထားပြီး နအဖ စစ်သားများက ဖမ်းဆီး ခေါ်ဆောင်သွားသော ခရစ်ယာန်မစ်ရှင်အဖွဲ့ကို လိုက်လံကယ်တင်ပုံ ဇာတ်လမ်း ဖြစ်သည်။ ရုပ်ရှင်ရုံများတွင် ပြသခြင်း မပြုရန်လည်း တားမြစ်ထားပေမယ့် အင်တာနက်မှ ဒေါင်းလုပ်လုပ်ကာ လက်ဆင့်ကမ်း ဖြန့်ဝေကြသည်။
အဆိုပါ မစ်ရှင်အဖွဲ့သည် တိုင်းရင်းသား ကရင်ကျေးရွာသားများအား ထောက်ပံ့ရေး ပစ္စည်းများ ပေးအပ် ကူညီနေစဉ် အဖမ်းခံရ၍ စစ်ပြန်ကြီး ဝင်ရောက် ကယ်တင်ထားသည်။
ရမ်ဘိုအပြင် အခြားသော နိုင်ငံရေးနှင့် သက်ဆိုင်သည်ဟု အာဏာပိုင်သော အခွေများလည်း ပစ်မှတ်ဖြစ်နေသည်။ သို့သော် သီးလေးသီးအငြိမ့်၊ စက်တင်ဘာမှတ်တမ်း အစရှိသည့် အာဏာပိုင်များ မနှစ်သက်သည့် ခွေများကို လက်သိပ်ထိုး ရောင်းနေကြဆဲ ဖြစ်သည်။
ရန်ကုန်မြို့ပေါ်တွင်လည်း ရမ်ဘို ၄ VCD ပျံ့နှံ့မှု အားကောင်းခဲ့ရာ ထိုဇတ်လမ်း ကြည့်ရှူခဲ့သည့် လှိုင်မြို့နယ်မှ အမျိုးသား ဒီမိုကရေစီအဖွဲ့ချုပ်ဝင် လူငယ် ကိုသန့်ဇင်နှင့် ကိုထွန်းထွန်းတို့ကို အာဏာပိုင်များက မတ်လဆန်းက ဖမ်းဆီးခဲ့သည်။
ဧရာဝတီတိုင်း၊ ညောင်တုန်းမြို့တွင် ကိုတင်ဌေးနှင့် ကိုသန်းထွန်းတို့ကို ဗိုလ်ချုပ်မှုးကြီး သန်းရွှေ၏ သမီး သန္တာရွှေ၏ မင်္ဂလာဆောင် ဗီဒီယိုခွေများ လက်ဝယ်တွေ့မှုဖြင့် ယမန်နှစ် စက်တင်ဘာလက ဖမ်းဆီးခဲ့သည်။
သံဃာများကို သတ်ဖြတ်ရာတွင် တရုတ်နှင့် နအဖထပ်တူဟု
ကျော်ထင် ခေတ်ပြိုင်သတင်းဌာန
ချင်းမိုင်တွင် ငြိမ်းချမ်းရေးလှုပ်ရှားသူများ ဆန္ဒပြတောင်းဆိုစဉ်ယခုလ (၁၀) ရက်မှစ၍ တိဘက်တွင် တရုတ် အစိုးရ၏ အကြမ်းဖက် နှိမ်နင်းခဲ့မှုသည် ၂၀၀၇ခု စက်တင်ဘာလှုပ်ရှားမှုတွင် မြန်မာစစ်အစိုးရ နှိမ်နင်းပုံနှင့် တထပ်တည်းကျကြောင်း ငြိမ်းချမ်းရေးလှုပ်ရှား သူများက ထုတ်ဖော် ပြောဆိုသည်။
မြန်မာ၊ ထိုင်းနှင့် နိုင်ငံတကာမှ ဒီမိုကရေစီရေးနှင့် လူ့အခွင့်ရေးလှုပ်ရှားသူ (၅၀)ခန့် ပါဝင်သည့် ငြိမ်းချမ်းရေးလှုပ်ရှားသူများက ထိုင်းနိုင်ငံ ချင်းမိုင်မြို့ တရုတ်ကောင် စစ်ဝန်ရုံးရှေ့တွင် ယနေ့
ဆန္ဒပြတောင်းဆိုစဉ် ထိုသို့ သတင်းထုတ်ပြန် ပြောဆိုလိုက်ခြင်းဖြစ်သည်။
အမျိုးသမီးအများစုပါဝင်သော ဆန္ဒပြသူများတွင် အမျိုးသမီးများအဖွဲ့ချုပ် (မြန်မာနိုင်ငံ) မှ အဖွဲ့
ဝင်များလည်းပါဝင်ပြီး ၎င်းတို့အနေဖြင့် အကြမ်းဖက်နှိမ်နင်းခံနေရသောတိဘက်လူထုနှင့် သွေး
စည်းညီညွတ်ခြင်းကို ပြသလို၍ဖြစ်ကြောင်း ပြောသည်။
ဆန္ဒပြရာတွင်ပါဝင်သည့် မတိုးတိုးက “တိဘက်လူမျိုးတွေက မြန်မာနိုင်ငံက ဒီမိုကရေစီအရေး
အတွက် လှုပ်ရှားနေသူတွေဟာ သူတို့နဲ့တသားတည်း ရှိနေပါလားဆိုတာ သိသွားမယ်၊ နောက်
တခုက နိုင်ငံတကာမျက်နှာစာမှာ ဒီလိုလုပ်ပေးခြင်းအားဖြင့် တိဘက်ထဲမှာ ဖြစ်နေတဲ့ အကြမ်း
ဖက်မှုတွေ လျှော့သွားမယ်လို့ ထင်ပါတယ်” ဟု ပြောသည်။
တိဘက်လူထု၏ ကိုယ်ပိုင်အုပ်ချုပ်ခွင့်ရရေးတောင်းဆိုမှုကို အကြမ်းဖက်နည်းဖြင့် မဖြေရှင်းဘဲ နိုင်ငံရေးဆွေးနွေးမှုများဖြင့်ဖြေရှင်းရန်နှင့် တရုတ်အစိုးရက နအဖအားနည်းမျိုးစုံဖြင့် ထောက် ပံ့နေမှုများကို ရပ်တန့်ရန်တောင်းဆိုကြောင်း၊ လာမည့်သြဂုတ်တွင် အိုလံပစ်အားကစားပွဲကို
အိမ်ရှင်အဖြစ်လက်ခံကျင်းပမည့် တရုတ်နိုင်ငံအတွက် အကြမ်းဖက်နှိမ်နင်းမှုသည် အမည်း
စက်ကြီးတခု ဖြစ်နေကြောင်း ထုတ်ပြန်ချက်တွင်ပါရှိသည်။
ဆန္ဒပြပွဲတွင်ပါဝင်သည့် Regional Women Human Right Organization of Asia-Pacific
forum on Woman Law and Development မှ ဖီဂျီနိုင်ငံသူ နာလီနယ်ဆင်ကလည်း “သေချာ
တာကတော့ တရုတ်အစိုးရအနေနဲ့ တိဘက်ရဲ့သီးခြားလွတ်လပ်စွာတည်ရှိမှုကို အသိမှတ်ပြု
သင့်တယ်၊ တိဘက်ပြည်သူတွေရဲ့ လူ့အခွင့်အရေးကို အာမခံသင့်တယ်၊ လွတ်လပ်ရေးပေးပြီး
တရုတ်တွေ ထွက်သွားသင့်တယ်” ဟု ပြောသည်။
သီးခြားလွတ်လပ်သော တိဘက်နိုင်ငံသို့ ၁၉၄၉ ခုတွင် တရုတ်ကွန်မြူနစ်တပ်များ ၀င်ရောက်
လာခဲ့ရာ တိဘက်လူထုက ကန့်ကွက်ဆန္ဒမှုများ စတင်ဖြစ်ပွားခဲ့သည်။ ၁၉၅၁ ခု တွင် တရုတ်
အစိုးရနှင့် အချက် (၁၇) ချက်ပါသဘောတူညီချက်ကို ချုပ်ဆိုနိုင်ခဲ့သဖြင့် တရုတ်က တိဘက်
အား လွပ်လပ်ရေးပေးလိုက်ကြောင်း ကမ္ဘာသို့ ကြေညာခဲ့သည်။
သို့သော် လက်တွေ့အကောင်ထည်ဖော်မှုမရှိသဖြင့် လူထုလှုပ်ရှားမှုများ ဆက်လက်ဖြစ်ပွားခဲ့ရာ
၁၉၅၉ ခု မတ်လ (၁၀) ရက်တွင် ဘုန်းတော်ကြီးဒလိုင်လားမားနှင့် တိဘက် ပြည်သူ (၁) သိန်း
ကျော်ခန့်သည် ပြည်ပသို့ ထွက်ခွာလာခဲ့ကြသည်။
တိဘက်နယ်မြေတွင် တရုတ်အစိုးရ၏အုပ်ချုပ်မှုကိုဆန့်ကျင်သည့်အနေဖြင့် တရုတ်ကတိဘက် အား ၀င်ရောက်သိမ်းပိုက်ခြင်း (၄၉) နှစ်မြောက်အဖြစ် ကမ္ဘာတ၀န်းရှိ တိဘက်လူမျိုးများ၏ တရုတ် ဆန့်ကျင်ရေး လှုပ်ရှားမှုအဖြစ် အိန္ဒိယရှိ တိဘက်လူမျိုးများက ယခုလ (၁၀) ရက်မှစတင် ဆန္ဒပြခဲ့ခြင်းဖြစ်သည်။
ဟစ်ဟော့ပ် အဆိုတော် ဇေယျာသော် ထိန်းသိမ်းခံရ
ပီတာအောင် ခေတ်ပြိုင်သတင်းဌာန
အက်စစ် (ACID) တေးဂီတအဖွဲ့မှ ဟစ်ဟော့ပ်အဆိုတော်ဇေယျာသော်ကို အာဏာပိုင်များက ခေါ်ယူထိန်းသိမ်းထားကြောင်း မိသားစုဝင်တဦးက ပြောသည်။
ယခုလ (၁၂) ရက်ညနေတွင် ရန်ကုန်မြို့ရှိ စားသောက်ဆိုင်တခု၌ ဖမ်းဆီးခေါ်ဆောင်ခြင်းခံရ ပြီး နောက်တနေ့တွင် အာဏာပိုင်များက ၎င်း၏နေအိမ်သို့ လာရောက်ရှာဖွေသွားကြောင်း ဇေယျာသော်၏ အစ်မ မဖြိုးပပသော်က ပြောသည်။
၎င်းက “အပြင်ထွက်သွားရင်းနဲ့ ပြန်မလာတော့တာ။ လိုက်ရှာတဲ့အခါကျတော့ စားသောက်ဆိုင် မှာ ခေါ်သွားတယ်ပဲ သိရတယ်။ ဘယ်စားသောက်ဆိုင်မှန်းလည်း မသိရသေးဘူး။ အတိအကျ ဘာမှမသိရဘူး။ အဲလိုဖြစ်ပြီး နောက်တရက်ကျတော့ အိမ်ကိုတော့ လာကြည့်သွားတယ်။ ဘယ်သူတွေလည်းတော့မသိဘူး။ ဇေယျာသော်ကို စစ်ဆေးစရာရှိလို့ ခေါ်ထားတယ်ပေါ့နော်၊ အဲလိုပြောပြီး အိမ်မှာရှာစရာရှိလို့ဆို ရှာသွားတယ်။ ဘာမှ မသိမ်းသွားဘူး။ ဘာမှမှ မရှိတာ။ ဘာကြောင့်ဆွဲသွားမှန်းလည်း မသိဘူး” ဟု ပြောသည်။
ဇေယျာသော် (ယာအစွန်)
ဇေယျာသော် ဖမ်းဆီးခံရခြင်းသည် နိုင်ငံရေးသီချင်းများ ရေးစပ်သီဆိုကာ ဖြန့်ဝေနေသည့် Generation Wave မျိုးဆက်သစ်လူငယ်အစည်းအရုံးမှ ကိုကျော်ကျော်ဖမ်းဆီးခံရမှုနှင့် ဆက် စပ်မှုရှိနေသည်ဟု သတင်းများထွက်ပေါ်နေသော်လည်း သီးခြားအတည်မပြုနိုင်သေးပေ။
အနဂ္ဂ၊ ဟိန်းဇော် (ကွယ်လွန်)၊ ရန်ရန်ချန်း၊ ဇေယျာသော်တို့ပါဝင်သည့် အက်စစ်တေးဂီတအဖွဲ့ သည် မြန်မာနိုင်ငံ၌ အနုပညာအရရော၊ စီးပွားရေးအရပါ ပထမဆုံး အောင်မြင်ကျော်ကြားခဲ့ သည့် ဟစ်ဟော့ပ်ဂီတအဖွဲ့ဖြစ်သည်။
လူထု ဆန္ဒပြပွဲများကို နှိမ်နင်းချေးမှုန်းရန်အတွက် နအဖ၏ စီစဉ်ဆောင်ရွက်မှုများ
စစ်အစိုးရရဲ့ သာသနာ ဆိုင်ရာ ဘွဲ့တံဆိပ် ကပ်လှူမှုကို စက်တင်ဘာ သံဃာတော်များ ဝေဖန်
VOA သတင်းဌာန
ပရိယတ် ပဋိပတ်ကျွမ်းကျင်တဲ့ ဗုဒ္ဓဘာသာ ဘုန်းတော်ကြီးတွေနဲ့ ရဟန်းတော်တွေကို မြန်မာ စစ်အစိုးရက ဘွဲ့တံဆိပ် ကပ်လှူတဲ့ပွဲကို မနေ့က တပေါင်း လပြည့်နေ့မှာ ကျင်းပခဲ့ပါတယ်။ ပြီးခဲ့တဲ့ စက်တင်ဘာလ သံဃာ့ လှုပ်ရှားမှုတွေနဲ့အတူ သံဃာတော်တွေအပေါ် အကြမ်းဖက် ဖမ်းဆီးမှုတွေကြောင့် စစ်အစိုးရနဲ့ သပိတ်မှောက်တဲ့ ပတ္တနိက္ကုဇန ကံဆောင်သူ သံဃာများ ရှိသလိုပဲ နီးရာဓါးကို ကြောက်ရတဲ့ သံဃာတော်တွေ ရှိတဲ့အကြောင်း စက်တင်ဘာ လှုပ်ရှားမှုအပြီး ထိုင်း-မြန်မာနယ်စပ်ကို ကြွလာတဲ့ သံဃာ့တပ်ပေါင်းစုရဲ့ ခေါင်းဆောင် ကိုယ်တော်တစ်ပါးဖြစ်သူ ဦးပညာဇောတ က မိန့်ကြားပါတယ်။ ဒီအကြောင်း အပြည့်အစုံကို ထိုင်းအခြေစိုက် သတင်းထောက် ဒေါ်အေးအေးမာက တင်ပြထားပါတယ်။ 
စက်တင်ဘာ ရွှေဝါရောင်လှုပ်ရှားမှုအတွင်း သံဃာတော်များ ရန်ကုန်မြို့တွင် ငြိမ်းချမ်းစွာ ဆန္ဒပြ ကြွချီနေသည့် မြင်ကွင်းတစ်ရပ် (၂၂ စက်တင်ဘာ ၂၀၀၇)
မြန်မာစစ်အစိုးရ ဆက်ကပ်လှူဒါန်းပွဲကို စည်စည်ကားကား ကျင်းပနေပြီး ပြည်ပမှာ ရောက်ရှိနေတဲ့ ဆရာတော်ကြီးများကလည်း စစ်အစိုးရ ပေးတဲ့ ဘွဲ့တံဆိပ်တော်တွေကို လက်ခံရယူနေပါတယ်။ စက်တင်ဘာ လှုပ်ရှားမှုအတွင်း ပတ္တနိက္ကုဇန ကံဆောင်ထားတဲ့ သံဃာတွေဟာ ဘာကြောင့်များ ဒီဘွဲ့ တံဆိပ်တွေကို မေးတဲ့အခါမှာတော့ သံဃာ့တပ်ပေါင်းစုရဲ့ ဦးဆောင် သံဃာလည်းဖြစ်၊ သာသနာ့ဥသျှောင် ထိုင်းဌာနခွဲက အဖွဲ့ဝင်ဖြစ်တဲ့ ဦးပညာဇောတ က အခုလို ပြောပါတယ်။
“ဦးပဉ္ဇင်းတို့ မြင်ထားတဲ့အမြင်က နှစ်မျိုးရှိပါတယ်၊ တစ်မျိုးကတော့ ဒီ သံဃာတော်၊ ဆရာတော်ကြီးတွေကို ဘွဲ့တံဆိပ်တော် ကပ်တဲ့အတွက်ကြောင့် သူတို့ ဆရာတော်ကြီးတွေကို ကလည်းပဲ ဒီဘွဲ့တံဆိပ်တွေကို လိုလားတဲ့ အတွက်ကြောင့် ဒီဘွဲ့တံဆိပ်တွေကို လက်ခံရတာ ရှိတယ်လေ။ နောက်တစ်မျိုးကတော့ ဆရာတော်ကြီးတွေက ဘွဲ့တံဆိပ်ကို လိုချင်လို့တော့ မဟုတ်ဘူး၊ သူတို့က ဘွဲ့တံဆိပ်တွေကို ပေးလိုက်ပြီ၊ ပေးလိုက်တဲ့အခါမှာ အကယ်လို့ ဒီဘွဲ့တံဆိပ်တွေကို မယူဘူးဆိုရင်လည်းပဲ ဆရာတော်ကြီးတွေကို အရေးယူ ခံရနိုင်ဖွယ် ရှိတယ်လေ၊ အရင့်အရင်ကလည်း ဒီလို တက်ပြီးမယူတဲ့ ဆရာတော်တွေ ရှိခဲ့တာကို၊ ဒီလိုပါပဲ မန္တလေးက ဆရာတော် ဦးရာဇဓမ္မတို့ဆိုရင် အဂ္ဂမဟာ ပန္တိတဘွဲ့တွေ ပေးတယ်၊ မယူပါဘူး။ ဒါပေမယ့် အဲလို မယူဘူးဆိုရင် ပေးရဲ့သားနဲ့ မယူဘူးဆိုရင် အာဏာပိုင်တွေက အရေးယူ ဆောင်ရွက်တာတွေ၊ ဖမ်းဆီးနိုင်မယ့် အလားအလာတွေ၊ သို့မဟုတ် တစ်နည်းမဟုတ်တစ်နည်း ချုပ်ချယ်တာတွေ၊ ကန့်သတ်တာတွေ လုပ်တဲ့အတွက်ကြောင့် ဆရာတော်တွေ ယူရတာပါ။ အဲဒီတော့ ဆရာတော်တွေ အများစုက လိုချင်လို့ မဟုတ်ဘဲနဲ့ ယူရတာ ဖြစ်တယ်ဆိုတာကို ဦပဉ္ဇင်းအနေနဲ့ ပြောချင်ပါတယ် ဒကာမကြီး။”
ဒါဆိုရင် ရဟန်းသံဃာတွေကြားထဲမှာ ဂိုဏ်းကွဲတာမျိုး ဖြစ်နေလားလို့ မေးတဲ့အခါမှာတော့ -
“အဲ - ဂိုဏ်းကွဲတာတော့ မဟုတ်ပါဘူး။ ရင်ထဲမှာ၊ တချို့ကိစ္စက ခံစားနေရတဲ့ ခံစားချက်မှာ ဒီခံစားချက်က ဖေါ်ပြဖို့တော့ နည်းနည်း ခက်တယ်လေ။ သံဃာအများစုက ဂိုဏ်းကွဲတာ မဟုတ်ဘူး၊ သံဃာအများစုက ဂိုဏ်းမကွဲတာကို ဘာနဲ့ သက်သေပြလိုက်သလဲဆိုရင် ရွှေဝါရောင် တော်လှန်ရေးမှာ သံဃာတွေ စစ်အစိုးရကို မေတ္တာပို့ လမ်းလျှောက်ပြီး သက်သေပြခြင်းနဲ့ပဲ သံဃာတွေဟာ ဂိုဏ်းမကွဲဘူး ဆိုတာကိုပြတယ်။”
ရဟန်းသံဃာတွေအနေနဲ့ ပတ္တနိက္ကုဇန ကံဆောင်မှုဟာ ပြီးသွားပြီလို့ ဆိုနိုင်ပါသလားလို့ မေးတဲ့အခါမှာတော့ -
“ကံဆောင်မှုက မပြီးသေးပါဘူး၊ ကံဆောင်တဲ့ဟာက ဒီဟာက ဘာသာရေး ကိစ္စအရ သွားတဲ့ကိစ္စ ဖြစ်တယ်၊ ဘာသာရေးအရ နအဖ စစ်အစိုးရက ဘယ်လောက်ကြီးပဲ ဖိနှိပ်နေ ဖိနှိပ်နေ၊ ဒီဗမာပြည်ထဲမှာရှိတဲ့ ဆရာတော်တွေလည်း သူတို့ သိပါတယ်။ ဒီလိုပဲ သာသနာတော်ကို ချစ်မြတ်နိုးတဲ့ ဆရာတော်တွေလည်း သိပါတယ်။ ကံဆောင်ပွဲဟာ သပိတ်လှန်တဲ့ ကမ္မ၀ါ မဖတ်သေးသမျှ ကံဆောင်ပွဲသည် မပြီးဆုံးသေးဘူး ဆိုတာကို စာတတ်တဲ့ ပုဂ္ဂိုလ်တိုင်း ၀ိနည်းကို လေးစားတဲ့ ဆရာတော်တိုင်း ၀ိနည်းကို လိုက်နာတဲ့ ဆရာတော်တိုင်း ကံဆောင်ပွဲ မပြီးသေးဘူးဆိုတာ သိပါတယ်။ ဒီလို သိပင်သိငြားသော်လည်းပဲ လက်ရှိ စစ်အာဏာရှင်က နေပြီးတော့ နည်းပေါင်းစုံနဲ့ ဖိနှိပ်ဖို့ အလားအလာတွေ ရှိတာကြောင့် နီးရာဓါးကို ကြောက်လိုက်လာနေရတာ ဖြစ်တယ်။ ဒါကြောင့် ကံဆောင်ပွဲဟာ မပြီးသေးပါဘူး။”
မြန်မာနိုင်ငံလုံးဆိုင်ရာ သံဃာတပ်ပေါင်းစုကြီးနဲ့ သာသနာ့ ဥသျှောင် အဖွဲ့တို့ကတော့ စစ်အစိုးရပေးတဲ့ ဘွဲ့တံဆိပ်တွေကို မယူဖို့၊ စစ်အစိုးရကပေးတဲ့ စာမေးပွဲတွေကို မဖြေဖို့ ရဟန်းသံဃာတွေကို လှုံ့ဆော်စည်းရုံး နေချိန်မှာပဲ ဆရာတော်ကြီးတွေ ဘွဲ့တံဆိပ်တွေကို စည်စည်ကားကား လက်ခံရယူနေပုံကို ဖော်ပြထားပါတယ်။
လမ်းပြမြေပုံကိစ္စ မြန်မာ့ တပ်မတော်အတွင်း ကွဲပြဲမှုများ ကြီးထွားလာ
လယ်ရီဂျေဂင် မဇ္ဈိမသတင်းဌာန
နိုင်ငံ့ရှေ့ရေးနှင့် ဒီမိုကရေစီသို့ အသွင်ကူးပြောင်းမည့် လမ်းပြမြေပုံနှင့် ပတ်သက်ပြီး မြန်မာ စစ်အစိုးရအဖွဲ့အတွင်း အကွဲအပြဲများ ကြီးထွားလာနေသည်။ မြန်မာ့အဖိုးတန် ဓနဥစ္စာ အများစုကို လက်ဝယ် ထိန်းချုပ်ထားသူများနှင့် နိုင်ငံကို စောင့်ရှောက်သူ အစစ်အမှန်ဟု မိမိကိုယ်ကို ခံယူထားသူများ အကြား တိုက်ပွဲတခုက ပေါ်ပေါက်လာနေပြီ ဖြစ်သည်။ စစ်အုပ်စုအတွင်း အဓိက အရေးပါသောသူ အတော်များများသည် အကျင့်ပျက် ခြစားမှုဖြင့် စုံစမ်း စစ်ဆေးခံရမှုများ ကြုံနေရသည်။
အဓိက ဘက်ကြီးနှစ်ဘက် သိသာစွာ ပေါ်ထွန်းလာပြီ ဖြစ်ရာ စစ်အုပ်စုအတွင်း စည်းလုံးညီညွတ်မှု ဟူသည် မရှိတော့ပါ။
တဖက်ကတော့ ကြီးမားသော စီးပွားရေးအကျိုးစီးပွားများ ပိုင်ဆိုင်ပြီး ဗိုလ်ချုပ်မှူးကြီး သန်းရွှေ၏ အစီအမံ ဖြစ်သော လူထုအခြေပြု ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အစည်းအရုံး (ကြံ့ဖွံ့) တို့နှင့် ပတ်သက်နေသူ ဝန်ကြီးများနှင့် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီဝင် (နအဖ) အဖွဲ့ဝင်များ ဖြစ်ကြသည်။
အခြားတဖက်တွင်တော့ စစ်တပ်သည် ပြည်သူလူထုကို အကာအကွယ်ပေးသည့် အခန်းကဏ္ဍကိုသာ အဓိက လုပ်ဆောင်ရမည့် ပရော်ဖက်ရှင်နယ် စစ်တပ် ဖြစ်စေချင်သော စစ်အစိုးရ ဒုတိယ အကြီးအကဲ မောင်အေး ဦးဆောင်သည့် ထိပ်တန်း ရာထူးလက်ကိုင် စစ်ဗိုလ်ချုပ်များ ဖြစ်ကြသည်။ သူတို့သည် အစိုးရအဖွဲ့အတွင်း အကျင့်ပျက် ခြစားမှု ပိုမို ထူပြောလာခြင်းအပေါ် တုန်လှုပ်နေပြီး ထိုအကျင့်ပျက်များကြောင့် တပ်မတော်၏ အနာဂတ် အခန်းကဏ္ဍကို အခြေက လှိုက်စားစေသည်ဟု လက်ခံထားကြသည်။
ထိုအုပ်စုကြီး နှစ်ခုအတွင်း စစ်ပွဲ ပေါ်ပေါက်လာခြင်းနှင့် ဗိုလ်ချုပ်မှူးကြီး သန်းရွှေ၏ ကျန်းမာရေး အလျင်အမြန် ယိုယွင်းလာခြင်းက တိုင်းပြည်တွင် ခေါင်းဆောင် အစစ်အမှန် မရှိဘဲ ဖြစ်နေသည်။ ရလဒ်အဖြစ် မြန်မာစစ်ဘက်ဆိုင်ရာ သတင်းရပ်ကွက်များ အဆိုအရ အစိုးရ အုပ်ချုပ်ရေးယန္တရားအတွင်း နှောင့်နှေး ကြန့်ကြာမှုများ ဖြစ်နေပြီး မဝေးလှသော အနာဂတ်၌ စစ်တပ်အတွင်း ‘အပျော့စား အာဏာသိမ်းမှု’ တခုကို အုပ်စုတစုစုက ပြုလုပ်လာလိမ့်မည်ဟု စိုးထိတ်မှုများ တိုးပွားလာနေသည်ဟု သိရသည်။
သို့သော်လည်း အင်အားစုတစုအနေနဲ့ တည်မြဲနေလိုလျှင် တပ်မတော် ‘အစစ်’ ဆိုသည်မှာ (ထိုအရာရှိများ သူတို့ကိုယ်သူတို့ မြင်သလို) လျင်မြန်စွာ ပြုမူ ဆောင်ရွက်ရန် လိုပါသည်။ စီစဉ်ထားသည့် မေလတွင် ပြုလုပ်မည့် ဆန္ဒခံယူပွဲနှင့် နောက် ၂ နှစ်အကြာတွင် ကျင်းပမည့် ရွေးကောက်ပွဲများသည် နိုင်ငံ၏ နိုင်ငံရေး မြင်ကွင်းကိုမူ အကြီးအကျယ် ပြောင်းလဲသွားမည် ဖြစ်သည်။ ဆန္ဒခံယူပွဲကော ရွေးကောက်ပွဲကိုပါ စီစဉ်နေသည့် ကြံ့ဖွံ့သည် နိုင်ငံ၏ အသစ်ဖြစ်ထွန်းလာမည့် နိုင်ငံရေး ဖြစ်စဉ်တွင် အာဏာနှင့် ထိန်းချုပ်မှု သိသာစွာပင် တိုးပွားလာမည် ဖြစ်သည်။
တပ်မတော် အကြီးတန်း အဖွဲ့ဝင်များသည် ကြံ့ဖွံ့၏ လွှမ်းမိုးခြယ်လှယ်မှု ပွားများလာခြင်းနှင့် မေလ ဆန္ဒခံယူပွဲအပြီး တပ်မတော်၏ သြဇာ ချုံးကျ ပြတ်တောက်သွားမည်ကို မကျေနိုင်၊ မချမ်းနိုင် ဖြစ်နေကြသည်။ ‘အဲဒါ (မေလနောက်ပိုင်း) ဟာ တပ်မတော်က အလုံးစုံ ရထားတဲ့ အာဏာကို ရုတ်တရက်ကြီး အဆုံးသတ်သွားစေမှာ ဖြစ်တယ်’ ဟု မြန်မာအစိုးရ အရာရှိတဦးက ပြောသည်။
ဖြစ်ထွန်းလာသော တပ်မတော်အတွင်း သာလွန် ကြီးစိုးမှုရရေး တိုက်ပွဲ၏ ဗဟိုချက်တွင်မူ သန်းရွှေလို ဗိုလ်သင်တန်းကျောင်း (အိုတီအက်စ်) ဆင်းများနှင့် မောင်အေးလို စစ်တက္ကသိုလ် (ဒီအက်စ်အေ)ဆင်းများအကြား ကွဲပြားမှု ကြီးထွားလာခဲ့သည်။
စစ်တပ် စစ်ဆင်ရေးလုပ်ငန်းများ မလုပ်ရသော်လည်း ကြံ့ဖွံ့နှင့် ပတ်သက်နေသော ကက်ဘိနက်အဖွဲ့ဝင် ဝန်ကြီးများသည် တယူသန် နအဖ အဖွဲ့ဝင်များဖြစ်ပြီး အိုတီအက်စ်ကျောင်းဆင်းများ ဖြစ်သည်။ ထိုခေါင်းဆောင်များသည် သန်းရွှေ၏ လူယုံများအဖြစ် လူသိများကြပြီး အထိန်းသိမ်းခံနေရသော အတိုက်အခံ ခေါင်းဆောင် ဒေါ်အောင်ဆန်းစုကြည်နှင့် သူမ၏ ပါတီ အမျိုးသားဒီမိုကရေစီ အဖွဲ့ချုပ်တို့ကို စေ့စပ် ညှိနှိုင်းမှုမလုပ်စတမ်း ရပ်တည်ချက်ကို ဆွဲကိုင်ထားကြသည်။
စက်မှုဝန်ကြီး အောင်သောင်း၊ မွေးမြူရေးဝန်ကြီး မောင်မောင်သိန်း (သူသည် သြဇာကြီးသော မြန်မာ့ရင်းနှီးမြှုပ်နှံမှု ကော်မရှင်၏ အကြီးအကဲလည်း ဖြစ်သည်။)၊ ဆောက်လုပ်ရေးဝန်ကြီး စောထွန်း၊ စိုက်ပျိုးရေးဝန်ကြီး ဌေးဦး (သူသည် ကြံ့ဖွံ့၏ အဓိက ခေါင်းဆောင်) တို့သည် နာမည်ဆိုးနှင့် ကျော်ကြားသော တယူသန် ခေါင်းမာသူများ ဖြစ်ကြပြီး အစိုးရ အဖွဲ့ဝင်များအတွင်း အကျင့်ပျက် ခြစားမှု အများဆုံးသူများလည်း ဖြစ်သည်။
သူတို့အားလုံးသည် မှောင်ခိုလုပ်ငန်းများ၊ ဖြတ်စား လာဘ်စား လုပ်ထားခြင်းများက ရသော စည်းစိမ်ဥစ္စာ အမြောက်အမြား ပိုင်ဆိုင်ကြပြီး ဖြစ်သည်။ “အဲဒီလူတွေဟာ လာဘ်စားမှုနဲ့ လိမ်လည်မှုတွေက ရထားတဲ့ ငွေတွေကို ချိတ်တွယ်မိနေပြီး ထိန်းမနိုင် သိမ်းမရ ဖြစ်နေကြတယ်။ တရားလွန် လာဘ်စားတာကို စက်ဆုပ်ရွံရှာသူ မောင်အေးလို လူတောင် သူတို့ကို မထိရဲဘူး ဖြစ်နေတာ” ဟု အမည်မဖော်လိုသော မြန်မာစစ်တပ် သတင်းရပ်ကွက် တခုက မဇ္ဈိမကို ပြောသည်။
ယခုဆိုလျှင် အစိုးရ အဖွဲ့အတွင်း သူတို့ရောက်နေသည်မှာ ၈ နှစ်ကျော်သွားပြီ ဖြစ်ပြီး နေထိုင်ပြုမူပုံများကလည်း အမြစ်တွယ်သွားပြီ ဖြစ်သည်။ မြန်မာအစိုးရ သတင်းရပ်ကွက်အရမူ လက်ရှိအနေအထားတွင် တယောက်မှ သူတို့ကို တားဆီးနိုင်စွမ်း မရှိပေ။ တပ်မတော်အကြီးအကဲများနှင့် နီးကပ်စွာ အဆက်အသွယ်ရှိသော စီးပွားရေးသမားတဦး အပြောအရ “သူတို့ကို တပ်မတော် ထိပ်တန်းရာထူး လက်ကိုင်တွေကြားထဲမှာ ‘နာဇီ’ တွေလို့ လူသိများတယ်” ဟု ဆိုသည်။ “သူတို့မှာ ငွေရှိတယ်၊ ပြီးတော့ သူတို့မှာ ခါးပိုက်ဆောင်တပ်တွေ ရှိတယ်” ဟု သူက ထပ်ပြောသည်။
ယခုတော့ တပ်မတော်အတွင်း အများအပြားက ထိုအုပ်စုကို စိုးထိတ်နေကြသည်။ နအဖ အတွင်း အချို့သော အကြီးတန်းအရာရှိများနှင့် လက်ရှိ (သို့မဟုတ်) ယခင် ကာကွယ်ရေးဝန်ကြီးဌာန ကစထ အကြီးအကဲများသည် ကြံ့ဖွံ့ကို ရှေ့တန်းတင်ပြီး အာဏာရရန် ကြံစည် လုပ်ဆောင်ကြသည်။ “သူတို့ဟာ လူထုရဲ့ တကယ့် ရန်သူအစစ်တွေပဲ” ဟု မြန်မာ စီးပွားရေးလုပ်ငန်းရှင်တဦးက ပြောသည်။
ထိုကဲ့သို့သော ဖြစ်ထွန်းနေမှုအပေါ် ပူပန် စိုးရိမ်နေသူများသည် တပ်မတော်အတွင်း များပြားလာနေသည်။ မြို့တော်သစ် နေပြည်တော်ရှိ ကာကွယ်ရေးဝန်ကြီးဌာနမှ အငယ်တန်း အရာရှိများအကြားတွင် မကျေနပ်မှုနှင့် စိတ်ပျက်ကာ အားမလို အားမရဖြစ်မှုများ ကြီးထွားလာနေသည်။
အငယ်တန်း အရာရှိ အများစုသည် အသက် ၄၇ နှစ်မှ ၅၅ နှစ်အကြားရှိ စစ်တိုင်းမှူးများ ဖြစ်ကြသည်။ သူတို့သည် ပြုပြင် ပြောင်းလဲရေးကို လိုလားသူ တိုးတက်သော အမြင်ရှိသူများဖြစ်ကြပြီး တပ်မတော်ကိုနင်းပြီး ကြံ့ဖွံ့များ ကြီးထွားလာနေသည့်အပေါ် ထိတ်လန့် တုန်လှုပ်နေကြသည်။
“သူတို့ဟာ အစိုးရ အဖွဲ့အတွင်းမှာ ယူနီဖောင်းကို အကာအကွယ်ယူပြီး ခြစားမှုတွေကနေ စည်းစိမ်ဥစ္စာ ထောင်ပုံ ရာပုံ စုဆောင်းနေတဲ့ မသမာတဲ့ သူတို့ရဲ့ လုပ်ဖော်ကိုင်ဖက်တွေကို စောင့်ကြည့်နေကြတယ်။ ဒါတွေဟာ တပ်မတော်ရဲ့ ပုံရိပ်ကို ညှိုးနွမ်းစေတယ်လို့ သူတို့က စိတ်ပူနေကြတယ်” ဟု နေပြည်တော်ရှိ သတင်းရပ်ကွက်တခုက ပြောသည်။
“အိုတီအက်စ်ဆင်း အယုတ်တမာကောင်တွေကို မောင်းထုတ်ပစ်ဖို့ အချိန်တန်ပြီ” ဟု မကြာသေးခင်က နေပြည်တော်သို့ သွားရောက် လည်ပတ်ခဲ့သူ စီးပွားရေးလုပ်ငန်းရှင်တဦးကို အရာရှိတဦးက ပြောပြသည်။ သို့သော်လည်း နန်းတော်အတွင်း အာဏာသိမ်းမည့် အရိပ်လက္ခဏာတော့ မတွေ့ရပါ။ အရာရှိများ စိတ်မကောင်း ဖြစ်နေသော်လည်း ပွင့်လင်းစွာ ဆွေးနွေးမှုတော့ မရှိသေးပေ” တနိုင်ငံလုံးမှာ လွှမ်းမိုးနေတဲ့ အကြောက်တရားဟာ စစ်တပ်အတွင်းမှာလည်း ရှိနေတယ်” ဟု ထိုင်းစစ်ထောက်လှမ်းရေးတဦးက မဇ္ဈိမကို ပြောပြသည်။
“လက်ရှိ ဖြစ်နေပျက်နေတာတွေရော ဆန္ဒခံယူပွဲနဲ့ ရွေးကောက်ပွဲအပြီး ဘာတွေဖြစ်လာမလဲ ဆိုတာနဲ့ ပတ်သက်ပြီး တပ်မတော်ထဲမှာ အများစုဟာ အလွန်အမင်းကို မကျေနပ် ဖြစ်နေတာကိုတော့ သံသယဖြစ်စရာ မရှိဘူး” ဟု သူက ပြောသည်။ “ဒါပေမဲ့ သူတို့ဟာ တပ်မတော်အရာရှိတွေ ဖြစ်နေတော့ အမိန့်ကို ပြန်လှန် မေးခွန်းမထုတ်ဘဲ လိုက်နာမယ့် သူတွေဖြစ်တယ်” ဟု သူက ပြောသည်။
သန်းရွှေအောက်က ထိပ်တန်း ဗိုလ်ချုပ်အနည်းငယ်သည် သန်းရွှေနှင့် အပြိုင် သို့မဟုတ် ကြံ့ဖွံ့ခေါင်းဆောင်ပိုင်းကို ထိန်းရန် ပုံမှန် သမရိုးကျမဟုတ်သော မဟာမိတ်အဖွဲ့တခုကို စတင် ဖွဲ့စည်းကောင်း ဖွဲ့စည်းလာနိုင်သည်။ သူတို့တွင် ဒုတိယ တပ်မတော် ကာကွယ်ရေးဦးစီးချုပ် မောင်အေး၊ စစ်အရာရှိချုပ် သူရရွှေမန်း၊ ဝန်ကြီးချုပ် သိန်းစိန်နှင့် နအဖ အတွင်းရေးမှုး ၁ တင်အောင်မြင့်ဦးတို့ ပါဝင်မည် ဖြစ်သည်။
သို့သော် ယခုအချိန်အထိ လွန်ခဲ့သည့် ၄ နှစ်က ပြိုင်ဘက် ဝန်ကြီးချုပ်ဟောင်း ခင်ညွှန့်နှင့် သူ၏ ထောက်လှမ်းရေးအဖွဲ့ကို ဖြုတ်ထုတ်သည့်ပုံစံမျိုး ပြင်ဆင်မှု အနည်းငယ်သာ ရှိပါသေးသည်။ “အငယ်တန်း အရာရှိတွေနဲ့ အရာရှိ မဟုတ်တဲ့ စစ်သည်တွေကြား မကျေနပ်မှု၊ ဒေါသတွေ ကြီးထွားနေတဲ့ လက်ရှိ အနေအထားကတော့ ဘာကိုမှ မဖြစ်နိုင်ပါဘူးလို့ ပြောလို့မရတဲ့ အနေအထားပဲ” ဟု ချင်းမိုင်တက္ကသိုလ်မှ မြန်မာ့အရေးလေ့လာသူ ဝင်းမင်းက ပြောသည်။
သို့သော်လည်း ကြံ့ဖွံ့အတွင်းရှိ အခရာကျသော ပုဂ္ဂိုလ်များကို အပြင်းအထန် ချေမှုန်းခြင်းကတော့ လုပ်နေပြီ ဖြစ်သည်။ မွေးမြူရေးနှင့် ရေလုပ်ငန်းဝန်ကြီး မောင်မောင်သိန်းနှင့် ကာကွယ်ရေး ကစထ အကြီးအကဲများ ဖြစ်ခဲ့သော မောင်ဘိုနှင့် ရဲမြင့်တို့ကို လာဘ်စားမှု၊ ဖြတ်စား လာဘ်စားမှုများနှင့် တရားမဝင် မှောင်ခိုလုပ်ငန်းများ လုပ်ကိုင်မှုများဖြင့် အထူးစုံစမ်းစစ်ဆေးရေးက လျှို့ဝှက်စွာ စုံစမ်းမှုများ ပြုလုပ်လျက် ရှိသည်ဟု အစိုးရအဖွဲ့အတွင်းမှ သတင်းရပ်ကွက်တခုက မဇ္ဈိမကို ပြောသည်။
မောင်မောင်သိန်းနှင့် မောင်ဘိုသည် မှောင်ခိုလုပ်ငန်း လုပ်ကိုင်သည်ဟု စွပ်စွဲခံရပြီး စောင့်ကြည့်ခံနေရသည်။ မြန်မာ့ရေပိုင်နက်ထဲတွင် ဖမ်းမိသော ငါးများအနက်မှ အနည်းဆုံး ၉ဝ ရာခိုင်နှုန်းကို ထိုင်းနိုင်ငံ၊ အထူးသဖြင့် ရနောင်းကို ဖြတ်ကာ မှောင်ခိုထုတ်သည်ဟု ရေလုပ်ငန်းအတွင်းမှ အကြားအမြင်များသော သတင်းရပ်ကွက်က ပြောသည်။ ရလဒ်ကတော့ မြန်မာနိုင်ငံသည် တနှစ်လျှင် ဒေါ်လာ သန်း ၅ဝဝ ခန့် ဆုံးရှုံးနေခြင်း ဖြစ်သည်။
မောင်မောင်သိန်း ကိုင်ထားသော မြန်မာ့ ရင်းနှီးမြှုပ်နှံမှုကော်မရှင်သည် ကြံ့ဖွံ့မဟုတ်သူ ဆိုလျှင် ဆောက်လုပ်ရေးလုပ်ငန်းများအတွက် သွင်းကုန် ထုတ်ကုန် လုပ်ငန်းလိုင်စင်များ မချပေးသည်မှာ ၆ လပင် ရှိသွားပြီ ဖြစ်ကြောင်း မြန်မာစီးပွားရေးလုပ်ငန်းရှင်တဦးက ပြောသည်။ ဆောက်လုပ်ရေး ပရောဂျက်များအတွက် လိုင်စင်ရခြင်းမှာ စီးပွားရေးအတွက် အရေးပါလှသည်။ ဆောက်လုပ်ရေး ပရောဂျက်အတွက် ဆိုကာ လျှောက်လိုက်သော လူစီးကားနှင့် ကုန်တင်ကားများ တင်သွင်းခွင့်လိုင်စင် ရရှိလျှင် ရောင်းစားခြင်းဖြင့် အမြတ်အစွန်း မြောက်မြားစွာ ရစေသည်။
အခြားများစွာသော နအဖ အဖွဲ့ဝင်များ၊ ဝန်ကြီးများနှင့် သူတို့၏ မိသားစုများလည်း စုံစမ်း စစ်ဆေးခံနေရသည်ဟု အစိုးရ သတင်းရပ်ကွက်တခုအရ သိရသည်။ မောင်မောင်သိန်း၏ နာမည်ကျော်သား ကိုပေါက် (ခ) မြင့်သိန်း၏ သစ်လုပ်ငန်းတခုသည် မရိုးမသား အကြံအဖန်များ လုပ်ခဲ့၍ ဖျက်သိမ်းပေးခဲ့ရသည်။ မောင်ဘိုသား ပိုင်ဆိုင်သော ဟာရီကိန်းဘားဆိုင်သည် မူးယစ်ဆေးဝါးမှုနှင့် ပတ်သက်ပြီး စစ်ဆေးခံနေရသည်။
အေးရှားလိုက် ကုမ္ပဏီ၏ စီမံခန့်ခွဲမှုဒါရိုက်တာ စိုးမြင့်အပါအဝင် ကြံ့ဖွံ့နှင့် ကြံ့ဖွံ့နှင့်ပတ်သက်သူများ၏ စီးပွားရေးလုပ်ငန်း အများအပြားကို စစ်ဆေးမှုများ လုပ်နေသည်။
ထိုအဖြစ်ပျက်များသည် အတိတ်တချိန်ကဆိုလျှင် မဖြစ်နိုင်သော အကြောင်းအရာများဖြစ်သည်။ လုပ်ရပ်များက တပ်မတော် ထိပ်တန်း အရာရှိများအနေဖြင့် တပ်မတော်၏ ဂုဏ်သိက္ခာကို ထိခိုက်စေသည့် ခြစားမှုများအပေါ် စိုးရိမ်မှု ရှိနေသည်ကို ညွှန်းဆိုနေသည်။ “ဒါဟာ အစိုးရလား ဒါမှမဟုတ် ကြံ့ဖွံ့နဲ့ စစ်တပ်က လုပ်ထားတာလား ဆိုတာကို ခွဲခြားဖို့ ကြိုးစားမှု ဖြစ်တယ်” ဟု ထိပ်တန်းစစ်ဘက် ပုဂ္ဂိုလ်တဦးက မဇ္ဈိမကို ပြောသည်။
အဖြစ်အပျက် အများစုကမူ ကန့်လန့်ကာ နောက်ကွယ်တွင် ဖြစ်နေသည်။ အုပ်စုကြီး ၂ ခုအကြား လူသိရှင်ကြား ထိပ်တိုက် ရင်ဆိုင်တွေ့ခြင်းလည်း မရှိသေးပါ။ သန်းရွှေအနေဖြင့် သူနှင့် သူ၏ထိပ်ပိုင်း ရာထူးလက်ကိုင် နောက်လိုက်များအကြား စစ်ပွဲတရပ်ကို ဖွင့်လိုက်မိရက်သား ဖြစ်သွားမည်ကို စိုးရိမ်ကာ နအဖ ၏ လေးလပတ် အစည်းအဝေးကို အဆက်မပြတ် ရွှေ့ဆိုင်းနေရခြင်းကြောင့်လည်း ဖြစ်သည်။
မောင်ဘိုနှင့် ရဲမြင့် အပါအဝင် အနည်းဆုံး ကစထ မှ ၄ ဦးအား ရာထူးမှ အနားယူရန် မောင်အေးက တောင်းဆိုမှုပြုမည်ကို သိနေ၍ သန်းရွှေက ရှောင်လွှဲလိုခြင်းကြောင့် အာဏာရကောင်စီ၏ အစည်းအဝေးကို မလုပ်ဖြစ်သည်မှာ ၉ လကျော် ကြာမြင့်သွားပြီ ဖြစ်သည်။ နောက်ဆုံး အစည်းအဝေးတွင် သန်းရွှေက ထောက်ခံတင်ပြသော မောင်ဘိုအား ဗိုလ်ချုပ်ကြီး ရာထူးသို့ တိုးပေးရေး အစီအစဉ်ကို မောင်အေးက လက်ခံရန် ငြင်းဆန်ရာမှ အစည်းအဝေးပျက်သွားသည်ဟု သတင်းထွက်ပေါ်ခဲ့သည်။
အနည်းဆုံး ၂ ယောက်ကိုမူ သူတို့၏ စစ်ဆင် ကွပ်ကဲမှု တာဝန်များမှ ထိုအချိန်ကတည်းက ဖယ်ရှားခံရပြီး ဖြစ်သည်။ ခင်မောင်သန်းနှင့် မောင်ဘိုတို့ကို ဒီအက်စ်အေကျောင်းဆင်း ခင်စော၊ သာအေးတို့နှင့် အစားထိုးထားသည်။ ထိုသူများမှာ သူတို့ ကိုင်ရသော စစ်တိုင်းများအတွက် စစ်ဆင်ရေး ကွပ်ကဲမှုများ မလုပ်ရတော့သော်လည်း နအဖ အဖွဲ့ဝင်အဖြစ် သန်းရွှေက ဆက်လက်ခန့်ထား၍ တည်မြဲနေသေးသည်။ မြင့်လှိုင် ကိုလည်း မကြာမီပင် တင်အေးနှင့် အစားထိုးလိမ့်မည်ဟု မျှော်လင့်ရသည်။
အကယ်၍ အသစ်ရောက်လာသော ဒီအက်စ်အေ ကျောင်းဆင်း စစ်ဆင်ရေးကွပ်ကဲမှုရုံး အရာရှိများကို နအဖ အဖွဲ့ဝင်ရာထူးများကိုပါ ပေးအပ်လိုက်လျှင် နအဖ၏ ဖွဲ့စည်းပုံကို အခြေခံကျကျ ပြောင်းလဲလိုက်မှု ဖြစ်လာလိမ့်မည်။ လွန်ခဲ့သည့် ၄ နှစ်က အိုတီအက်စ် ကျောင်းဆင်းများ၏ ကျောထောက်နောက်ခံပေးမှုဖြင့် သန်းရွှေ၏ အာဏာသည် စိန်ခေါ်မှု မကြုံခဲ့ရသော်လည်း ရာထူး တိုးမြှင့်မှုအသစ်များ ဖြစ်လာလျှင်တော့ မောင်အေးနှင့် သူရရွှေမန်းတို့ နအဖ အတွင်း ချုပ်ကိုင်မှု ထိရောက်လာမည် ဖြစ်သည်။
နအဖ လေးလပတ်အစည်းအဝေးကို တောက်လျှောက် ရွှေ့ဆိုင်းလာခဲ့သည့် အကျိုးဆက်မှာ တပ်မတော်အတွင်း ရာထူးတိုးပေးရေးမှာ နှောင့်နှေးမှုများ ဖြစ်လာခဲ့သည်။ “ထိပ်ပိုင်း ဗိုလ်ချုပ်ကြီးတွေ မတွေ့တာ (လေးလပတ်အစည်းအဝေး) လတွေနဲ့ ချီနေပြီ။ သြဂုတ်နဲ့ စက်တင်ဘာ ဆန္ဒပြမှုတွေ မတိုင်ခင်ကတည်းကပဲ။ ဒီကာလထဲမှာဆိုရင် စစ်တိုင်းမှူး ၃ ဦးကို ခန့်အပ်တာက လွဲရင် ဘယ်သူ့ကိုမှ ရာထူးတိုးပေးတာ မရှိသေးဘူး” ဟု ဝင်းမင်းက ပြောသည်။
“အကျိုးဆက်ကတော့ ရာထူးတိုးသင့်ရက်သားနဲ့ ရာထူးမတိုးလို့ တိုင်းမှူးတချို့ စိတ်ပျက် မကျေနပ်တာ ပွားလာမှာ အသေချာပဲ” ဟု သူက ပြောသည်။
သန်းရွှေလက်အောက်မှ ဗိုလ်ချုပ်များအတွက် တစုံလုံး ချုပ်ကိုင်မှုများ ပြုလုပ်ရန် အချိန်ကလည်း လျော့ပါးလာပြီ ဖြစ်သည်။
မေလတွင် ပြုလုပ်မည့် ဆန္ဒခံယူပွဲပြီးလျှင် ရွေးချယ်လိုက်သော ဝန်ကြီးများနှင့် စစ်ဗိုလ်ချုပ်များကို ကြံ့ဖွံ့နှင့် အနာဂတ် အရပ်သား အုပ်ချုပ်ရေးမှာ ထည့်လိုက်မည် ဖြစ်၍ သူတို့၏ အခန်းကဏ္ဍ အရေးပါမှု ပိုပိုနည်းလာပြီ ဆိုသည်ကို သူတို့ သိနေသည်။ တချိန်တည်းမှာပင် ခြစားမှု ပျံ့နှံ့နေခြင်းက နိုင်ငံရေး တည်ငြိမ်မှုနှင့် တိုင်းပြည်ကို ဖျက်ဆီးနေခြင်းကို သူတို့ စိုးထိတ်နေကြသည်။
“အနာဂတ်မှာ တိုင်းပြည်ကို ဒီမိုကရေစီ ယူဆောင်လာပေးနိုင်တဲ့ အင်စတီကျူးရှင်းဟာ တပ်မတော်တခုတည်းပဲ ဖြစ်တယ်” ဟု တပ်တော်သားတဦးက မဇ္ဈိမကို ပြောသည်။ “မျိုးဆက်သစ် အရာရှိတွေဟာ နိုင်ငံ့အတွက် မျှော်လင့်ချက် အစစ်ဖြစ်တယ်” ဟု ဆိုသည်။ ထို မျိုးဆက်သစ် အရာရှိများသည် သူတို့ကိုယ် သူတို့ တိုင်းပြည်ကို ကာကွယ်စောင့်ရှောက်သူ အစစ်အမှန်ဟု မြင်သောကြောင့် အောင်ဆန်းစုကြည်နှင့် နိုင်ငံရေး တွေ့ဆုံဆွေးနွေးမှု ပြုလုပ်မှာ ဖြစ်သည်ဟု သူက ပြောသည်။
လောလောဆယ်တွင်မူ သန်းရွှေ၏ ကျန်းမာရေး ဆိုးရွားလာနေပြီး မှတ်ဉာဏ်များလည်း မကောင်းတော့ပေ။ သူဟာ တကိုယ်ရေ ဧကစာရီ ကျင့်သုံးမှု ပိုလုပ်လာသည်။ သူ သေချာစွာ တွက်ချက် လုပ်ကိုင်နေသော်လည်း သူ၏ အနေအထားမှာ ကြိုးတန်း လမ်းလျှောက်နေရသလို ဖြစ်လာသည်ဟု မြန်မာ့စစ်တပ်ရေးရာ ကျွမ်းကျင်သူများ အပြောအရ သိရသည်။
“ပြဿနာတွေက တရားဝင် အေးအေးချမ်းချမ်းနဲ့ သဘာဝအတိုင်း ပြေလည်သွားနိုင်တာကို ကျနော်တို့က စွန့်စားဖို့ မတန်ဘူးလေ” ဟု မောင်အေးက သူ၏ အရင်းနှီးဆုံး မိတ်ဆွေများကို မကြာသေးမီက ပြောကြားခဲ့သည်။
သို့သော်လည်း ဆန္ဒခံယူပွဲလုပ်ရန် သိပ်မကျန်တော့သဖြင့် တပ်မတော်အနေဖြင့် ခြစားနေသော ကြံ့ဖွံ့ကြီးများကို အချိန်မနှောင်းခင် လက်ဦးမှု အရယူရမှာ ဖြစ်သည်။
(Larry Jagan က မဇ္ဈိမအင်္ဂလိပ်ဆိုက်အတွက် ရေးသားပေးသည့် Splits emerge in Burma's army over country's roadmap လေ့လာ သုံးသပ်ချက်ကို မြန်မာလို ဘာသာပြန် တင်ပြပါသည်။)
FREE AUNG SAN SUU KYI
;)
အကြီးကြည့်ရန် နှိပ်ပါ။
လာလည်သူ အပေါင်း
ဒီကနေ့ လာလည်ကြသော ကျွန်တော် မိတ်ဆွေ
AddThis
မြန်မာစာလုံးများ
ဇော်ဂျီ အသွင်းပြောင်း ဆော့စ်ဝဲလ်လေးပါ
 |