စစ်ထောက်လှမ်းရေး၊ လူဝင်မှု ကြီးကြပ်ရေး နှင့် အထူး ရဲတပ်ဖွဲ့ ဝင်များ ပါဝင်သော အဖွဲ့သည် မြ၀တီရှိ ဒေသခံ ထောက်လှမ်းရေး တပ်ဆွဲ ရုံးတွင် အခြေစိုက်ကာ ရန်ကုန် နှင့် အခြား ဒေသများမှ နေ၍ ထိုင်းနိုင်ငံ ဘက်ခြမ်းမှ နေ၍ မြန်မာ ဘက်ခြမ်းသို့ လိုင်စင်မဲ့ မော်တော်ကား တင်သွင်းသူများကို စတင် ဖမ်းဆီး နေသဖြင့် ထိုင်းဘက်ခြမ်းရှိ မော်တော်ကား ရောင်းချသည့် နေရာများမှာ လာရောက် ကြည့်ရှုသူပင် လုံးဝ မရှိတော့ပဲ ဈေးကွက် ပျက်သွားရသည် ဟု သတင်း ရရှိသည်။
မြ၀တီ တွင် အခြေစိုက်၍ မြန်မာ နိုင်ငံသို့ တင်သွင်းမည့် မော်တော်ကား အာရ်စီ နံပါတ်ပြားများ လဲလှယ်ပေးသည့် သူများကို လည်း နေပြည်တော် အထူး အဖွဲ့ မှ ဖမ်းဆီးထားပြီး စစ်ဆေး မေးမြန်း နေသည် ဟု သတင်းရရှိသည်။ အမည် မဖော်လို သော ၀စ်သောက် ကား တင်သွင်းသူ တစ်ဦး၏ ပြောကြားချက် အရ “မြ၀တီက နာမည်ထွက်နေတဲ့ သူတွေကိုတော့ အကုန်လောက် နီးနီး ဖမ်းပြီးထားပြီ သူတို့ စီမံချက်နဲ့ လာတာ အကုန်လုံးကို ဆွဲမယ်တဲ့ ဘယ်သူ့ သားတွေ ဘယ်ဝါ့ သားတွေ မရ ဘူးတဲ့ နေပြည်တော် ရောက်မှ ရှင်းလို့ ပြောတယ်၊ ဒုတိုင်းမှူး တစ်ယောက်ရဲ့သား ကား လာဝယ်တာ ကားရော လူပါ ဖမ်းဆွဲထားတယ်“ ဟု မြ၀တီမြို့ အခြေအနေ နှင့် ပတ်သက်၍ ပြောသည်။
ယခုကဲ့သို့ မြ၀တီ - မဲဆောက် လမ်းကြောင်းမှ နေ၍ မော်တော်ကား တင်သွင်း သူများကို ဖမ်းရသည့် ရည်ရွယ်ချက်မှာ ပြည်တွင်း မော်တော် ကားဈေးကွက် တွင် မော်တော်ကားဈေးများကျဆင်းနေခြင်းကြောင့် စက်မှု ဇုန်ထုတ် မော်တော်ကားများ ဈေးကွက်တွင် လုံးဝ ရောင်းချ ရခြင်း မရှိခြင်းကြောင့် ဟု ရန်ကုန်မှ မော်တော်ကား ၀ယ်ရောင်းဝယ်သူ တစ်ဦးက ပြောသည်။ ၎င်းကပင် ဆက်၍ “နယ်စပ် ကနေ တစ်နေ့ကို ဆယ်စီးလောက် ရန်ကုန်ကို ပုံမှန် သွင်းကြတယ်လေ ဒီပြင့် မြို့ တွေ မပါသေးဘူးလေ အခု ၀စ်သောက်တွေ ကြောင့် ဦးပိုင်က ဆာကူရာတောင် အလုပ် မဖြစ်ဘူးလေ ဒီတော့ ဖမ်းတာ ပေါ့ ”ဟု ပြောသည်။
နေပြည်တော် အထူးအဖွဲ့မှ ဖမ်းဆီးထားသည့် မော်တော်ကား တင်သွင်းသည် ဟု သံသယ ရှိခံထားရ သူများကို မည်သို့ အရေးယူ အပြစ်ပေးမည် ဟု အသေးစိတ် မသိရ သေးသော်လည်း ဖမ်းဆီး ထားသူများတွင် မြ၀တီမြို့မှ မော်တော်ကား ၀ပ်ရှော့ လုပ်သားများပင် ပါဝင်သည်။
ဝစ်သောက်ကား တင်သွင်း သူများကို နေပြည်တော် အထူးအဖွဲ့မှ နေ၍ စစ်ဆင်ရေး တစ်ရပ်အနေဖြင့် ဖမ်းဆီးနေခြင်း နှင့် ပတ်သက်၍ လွန်ခဲ့သည့် တစ်လကျော်ခန့်က ၀စ်သောက်ကား တင်သွင်းသည့် ဒီကေဘီအေ အဖွဲ့ ဝင် အချင်းဝေစုမတည့် ခြင်းကြောင့် ပေါ်ပေါက် လာသည့် လုပ်ကြံမှုများ နှင့် ဆက်စပ် နေသည်ဟု ခန့် မှန်းပြောဆိုခြင်းများရှိသည်။
လတ်တလောတွင် နေပြည်တော်မှ ခေါ်ယူ စစ်ဆေးခြင်း ခံနေရသည့် ရန်ကုန်တိုင်း ရဲမှုးကြီး ၀င်းနိုင်သည် ၎င်း၏ လုပ်ပိုင်ခွင့် ကို အသုံးချကာ မြ၀တီ - မဲဆောက် လမ်းကြောင်းမှ နေ၍ ၀စ်သောက် ကားများ တင်သွင်းနေသူ တစ်ယောက်ဖြစ်သည်။
Source by : FREEDOM NEWS GROUP
0 ရဲ့ အမြင်:
Post a Comment