မြ၀တီ ညဈေးတွင် ဗုံးပေါက်ကွဲ လူ သုံးဦးသေ၊ ၁၇ ဦး ဒဏ်ရာရUpdate

Freedom News Group | ဗုံးပေါက်ကွဲမှု ကြောင့် မြ၀တီ အခြေစိုက် တပ်ရင်းများ မှ မြို့လယ် လမ်းမ တလျှောက် ညတွင်းချင်း နေရာ ယူထားသလို ၉၉၉ ဂိတ်မှ တာဝန်ခံ အဆင့်ရှိ DKBA ဗိုလ်အောင်ကျော် နှင့် တပ်သား နှစ်ဦး အပါအ၀င် မြ၀တီမြို့ပေါ်နေ DKBA အရာရှိ အချို့ကိုလည်း ဖမ်းဆီး ထားသည်ဟု သိရသည်။

ယနေ့ည ကိုးနာရီ ဆယ့် ငါးမိနစ် အချိန် ခန့်တွင် ထိုင်း-မြန်မာ နယ်စပ် မြ၀တီမြို့၌ ဗုံးပေါက်ကွဲရာ လူနှစ် ဦးသေဆုံး ခဲ့သည်။ ဗုံးပေါက်ကွဲ မှုမှာ ညဈေးရှိ ပန်းသီးဆိုင် ရှေ့တွင် ဖြစ်ပွားခြင်း ဖြစ်ပြီး ဆိုင်ကယ် စီးလာသည့် ပြောက်ကျား အကျ ၀တ်ထားသည့် လူတစ်ဦး ထိုဆိုင် ရှေ့ တွင် ဆိုင်ကယ်ရပ်ပြီး မကြာခင် ဗုံးပေါက်သွားခြင်း ဖြစ်သည်။

ပေါက်ကွဲမှု အရှိန်ကြောင့် ထိုသူ၏ ခန္ဓာကိုယ်မှာ နှစ်ပိုင်း ပြတ်သွားပြီး တစ်ပိုင်းမှာ ဓာတ်ကြိုးတန်းတွင် သွားချိတ် နေသည်ဟု မျက်မြင် တွေ့ရှိ သူများက Freedom News Group သို့ ပြောသည်။

မြ၀တီမြို့ခံ များကမူ ဗုံးပေါက်ကွဲမှုမှာ DKBA ၏ လက်ချက်ဟု ပြောဆို နေကြပြီး ယမန် နေ့က စ၍ မြန်မာ စစ်တပ်က DKBA တပ်များ အခြေစိုက်သည့် နယ်စပ်ဂိတ်များ ဖြစ်သည့် ၉၉၉ ဂိတ် အပါအ၀င် အခြားဂိတ်များ ကို သိမ်းပိုက် လိုက်ခြင်းကြောင့် DKBA အဖွဲ့ဝင်များ မကျေမနပ် ဖြစ်နေကြသည်ဟု ဆိုသည်။

ဗုံးပေါက် ကွဲမှုကြောင့် လူသုံးဦး သေဆုံး ပြီး ၁၇ ဦး ဒဏ်ရာ ရရှိသည် ဟု မြ၀တီ ဆေးရုံမှ တာဝန်ရှိသူ တစ်ဦးက ပြောသည်။

ယမန် နေ့က လည်း မြန်မာ စစ်ဗိုလ်ချုပ် အချို့ စီးလာသည့် ယာဉ်တန်းအား ကော့ကရိတ်မြို့ အနီးတွင် ချောင်းမြောင်း ပစ်ခတ်မှု ဖြစ်ခဲ့သည်။

source by : Freedom News Group